影片
呢间舖头由佢一开张一路有帮衬到而家，可惜佢做到5月12号就要暂别，唯有写一篇食评纪念下通常西餐都系今餐汤或者沙律，而彩虹煮意嘅沙律一啲都唔儿戏，呢个炸鱼沙律已经足以见到厨师嘅心机，炸鱼新鲜炸起，连埋啲酱汁真系好好食我哋嗌咗钻石蚬配酸包，钻石蚬真系好鲜好好味，而且只只都啖啖肉，酸包亦都系热上，直程就咁𢳂啖汁都觉得好好食另外要咗个刺身级比目鱼羽衣甘蓝烩饭从来未食过咁浓味嘅比目鱼，其实我本身唔食羽衣甘蓝，但系呢个饭真系煮得好香好香，个饭硬度啱啱好，又咬口出嚟又唔会太硬，又唔会被浓味既比目鱼抢味虽然我哋得两个人，但系真系好食到忍唔住嗌埋第三个餐，黄油鸡配杂菌意粉鸡系直程唔需要点任何酱汁已经又脆又香，如果杂菌意粉又系闻到将杂菌嘅味道完全带出呢度嘅厨师真系好有心机，好劲希望之后可以再喺其他地方食到呢位厨师嘅菜式！
继续阅读
黑熊先生话经过几次，想试呢间好耐，不过成日啲人都会一pair pair咁入去，所以都唔好意思自己一条麻甩佬去食😂今次终于带埋我入嚟食。不过…店面好似茶餐厅咁，我问黑熊先生有乜唔好意思啫🤨等咗阵，又真系多情侣嚟等位🫢🍛日本鲍鱼带子仔烩饭新鲜鲍鱼嫩滑弹牙，我估烩饭用咗红菜头汁和忌廉煮，再配迷你带子仔，一啖食落口鲜甜又creamy！我仲谂只系普通白汁烩饭配海鲜，点知咁有惊喜🫶🏻🍖🍝加拿大保湿猪肉眼配扁意粉就咁睇猪肉眼扒香煎脆边，充满肉汁，切落去软熟，无太生又无过火。放入口系肉质松软、嫩滑。唔错！另外加$15要一份扁意粉，简单而美味。食物水准似系去咗啲中高档次餐厅，但我哋只系百几蚊就食到，份量仲要唔系细。如果想有多啲款式㨂，要早啲到啦！我哋1点多嚟到有2-3款都卖晒。
继续阅读
一间系屯门置乐好唔起眼嘅西餐厅，入面环境唔大得7-8张枱，但劲多人食。当日情人节入去食冇得预约，要现场拎位，最后都要等到6点左右先入到！🔶新鲜加拿大龙虾1/2配扁意粉 $248★★★★☆半边龙虾好大份，仲要几肥美多肉，食落好啖啖肉之余够爽弹，唔系霉哂个啲，味道刚好，有啲芝士烤焗，但又唔会盖哂龙虾本身个海水咸鲜味，有惊喜！另外龙虾钳都好贴心已帮手整开左啲，当然有埋工具俾你。扁意粉入面都仲有啲蟹肉丝好足料，个意粉用茄汁黎煮，稍微有啲唔够浓稠稀身左少少。🔶加拿大保湿猪鞍架 $208★★★★☆猪鞍架好大份，一切开去已有好多肉汁流紧，煮得刚刚好，切开仲系粉色，唔会过熟，食落唔鞋唔韧，又JUICY，真心推荐！肉质几软嫩，猪味浓有适量油脂，越近骨越好食，正！🔶大虾沙律、南瓜汤★★★★☆加钱套餐仲有大虾沙律/南瓜汤。只虾几大只，虾肉结实，虾头仲有膏添。沙律用黑醋汁，做前菜好开胃。南瓜汤好CREAMY浓郁，奶味同南瓜味道比例刚好，饮落好丝滑。🌟总括：价钱超级抵食，即使情人节餐厅都好抵食，两个人都系5百几左右，性价比超高。味道好，份量足，绝对会再黎帮衬！
继续阅读
彩虹扫过来，食指大动！彩虹煮意嘅炸水牛鸡翼够晒脆，一啖咬落去嘅瞬间就系脆皮同肉汁嘅绝妙对话😚。话说，蓝蟹肉松叶蟹膏烩饭真系惊喜满分！饭粒咁滑、咁香，每一粒都包裹著蟹膏嘅滋味，食落真系叫人停唔到口！来到柠檬𩽾𩾌鱼配沙律，𩽾𩾌鱼煮到啱啱好，伴随酸酸甜甜嘅柠檬汁，味道新鲜爽口。至于龙虾海鲜大杂会配多士，哗，一句话—超满足！海鲜新鲜到爆，龙虾肉弹牙，多士沾上海鲜汁，味道真系强劲。烧安格斯牛肉南芝士沙律，牛肉嘅烧香味与南芝士嘅醇厚搭配得宜，每一啖都满足爆灯。其他嘅沙律，例如鸡胸肉车厘茄沙律同大虾青苹果沙律，清新得嚟又唔失层次，美味得过瘾。嚟到酱烧美国猪排骨配薯条，猪排骨外酥内嫩，薯条金黄松脆，同呢杯海龙王浓汤一齐嚟真系冷冰冰心都暖笠笠🤤。晌这家嘅每一道菜式都好似一幕幕彩虹咁，缤纷又难忘。不得不赞，重点系𠵱家食得咁满足，心情都好神奇咁跟住开怀！MUST Try啦！🌈🍴
继续阅读
同事介绍山长水远过来试一试，只有十几个位的西餐小店，星期六晚上7点15分，排了半个小时队食到第二轮， 装修一般但有点旧，招呼合格加上没有加一，可惜遇到「小强 」但通知店员后，都迅速处理。只需加30元沙律或汤二选一加配热饮， 我们点了一个沙律一个汤，沙律上的鸡髀菇新鲜炸起， 看似一般牛肉杂菜汤味道清香，真系前菜抢晒风头；主菜龙虾尾🦞有bbq烤香气味，🥩扒味道稍淡但又烧汁跟上，亦可问服务员拿海盐或黑椒，芥末提供的是热狗用芥末😅有点…，伊比利猪🐷肉质带粉红色但有点筋比较难咬，羊架🐑有两支骨，味道还可五成熟拿捏不错。小惊喜位就是食物质素性价比高，份量十足味道唔差，加上主菜单配菜都好认真。
继续阅读