影片
更多
2018-06-27
131 浏览
位於荃灣楊屋道街市附近嘅百悅坊，呢楝大廈集吃喝玩樂於一身，今晚約左荃灣嘅朋友食宵夜，佢話想試下浜燒，見價錢又唔算太離地，一於試下先。去到門口已經覺得好有氣氛，裝飾都好日式，店面都算幾大間，又夠多卡位，就當晚雖然人多，但唔覺得好嘈，坐得舒服。直入門口位置就見到個魚缸裡面好多鮑魚同蜆，今晚一定要試下先。另外冰櫃呢邊就有好多日本嚟嘅魚，仲有好大隻嘅蠔呀先嚟一杯白桃味嘅麒麟Frozen Beer＄56第一次飲Frozen Beer，啤酒頂層嘅泡沫好似雪榚咁，零下5度嘅啤酒泡沫，睇見到覺得好冰涼呀，再結合埋白桃嘅清甜味道，非常適合夏天飲用呀！山葵八爪魚＄38山葵味道好突出，好攻鼻呀，八爪魚好彈牙，越食越過癮，呢個餐前小食夠晒醒神。松葉蟹膏甲羅燒＄68蟹殼載左蟹肉、蟹膏、蟹子、鵪鶉蛋、香蔥，之後店員就會用枱面個爐幫我地燒，將所有材料攪勻去，燒到稍為乾身熟後就可以上碟啦燒熟後搽上多士上面，鮮甜又甘香大蝦＄58/隻成隻手掌咁長嘅海蝦，放喺爐上燒都要啲技巧，唔係好容易燒燶燒左大約8分鐘就食得啦個殼雖然有少少燶，裡面嘅肉仍然好彈牙好鮮甜，蝦頭亦都好香好多膏，好味呀！特上6點盛合$268除左出名食海產浜燒，
去到門口已經覺得好有氣氛，裝飾都好日式，店面都算幾大間，又夠多卡位，就當晚雖然人多，但唔覺得好嘈，坐得舒服。
直入門口位置就見到個魚缸裡面好多鮑魚同蜆，今晚一定要試下先。
另外冰櫃呢邊就有好多日本嚟嘅魚，仲有好大隻嘅蠔呀
先嚟一杯白桃味嘅麒麟Frozen Beer＄56第一次飲Frozen Beer，啤酒頂層嘅泡沫好似雪榚咁，零下5度嘅啤酒泡沫，睇見到覺得好冰涼呀，再結合埋白桃嘅清甜味道，非常適合夏天飲用呀！
山葵八爪魚＄38山葵味道好突出，好攻鼻呀，八爪魚好彈牙，越食越過癮，呢個餐前小食夠晒醒神。
松葉蟹膏甲羅燒＄68
蟹殼載左蟹肉、蟹膏、蟹子、鵪鶉蛋、香蔥，之後店員就會用枱面個爐幫我地燒，將所有材料攪勻去，燒到稍為乾身熟後就可以上碟啦
燒熟後搽上多士上面，鮮甜又甘香
大蝦＄58/隻
成隻手掌咁長嘅海蝦，放喺爐上燒都要啲技巧，唔係好容易燒燶
燒左大約8分鐘就食得啦
個殼雖然有少少燶，裡面嘅肉仍然好彈牙好鮮甜，蝦頭亦都好香好多膏，好味呀！
特上6點盛合$268除左出名食海產浜燒，呢度嘅刺身亦都好新鮮，有帶子、甜蝦、魷魚、海膽、三文魚、油甘魚，性價比高嘅刺身
浦燒鰻魚$128一舊舊厚切嘅鰻魚，燒得好香，浦燒醬甜甜的又惹味，咬落去好有口感，鰻魚亦都好鮮味，肉質帶點彈牙
福丸浜燒盛合$428今晚最期待的盛合呀！有生蠔、鮑魚、帆立貝、蜆，鮑魚仲喺度郁緊呀
帆立貝大過5蚊銀呀加左啲油落去燒，到差不多熟再加啲清酒
帆立貝燒得岩岩好，肉質有少少酒香，彈牙又鮮味
輪到燒鮑魚啦，見到啲鮑魚喺個爐上面仲有郁動，真係覺得好殘忍呀。
但見到佢燒熟放喺碟上面時我真係流晒口水，鮑魚彈牙爽甜，不需加調味料已經覺得好好食了
燒蜆就顯得有點燒過左火，肉質較乾，但海水嘅鮮味仍在
隻蠔本身都好大，燒完後個殼仲載住好多蠔汁，隻蠔連埋啲汁放落口，燒完嘅蠔帶點海水味又鮮甜
宵夜梗係要食甜品啦，有綠茶雪糕配夕張蜜瓜，清香嘅綠茶味雪糕，再加清甜多汁嘅蜜瓜，完美嘅一天。
张贴
