至尊滿屋日本料理 (已結業)

係旺角買完野，去左至尊滿屋食放題！坐低即刻叫個刺身拼盤。唔洗五分鐘，刺身即刻黎。好多之前都好少食過既刺身，呢度都有，正！食刺身新鮮最重要，牡丹蝦好大隻，而且味道鮮甜。雖然拼盤擺設一般，冇乾冰冇煙冒出黎，但係質素好，新鮮最重要。食完刺身之後一定係食羊架。羊架好明顯岩岩燒完，熱辣辣，質感唔會太老，水分多，整得好味。最鍾意係冇乜騷味，香料配搭得岩岩好，高質！原來仲有我鍾意既鰻魚串燒。叫左好多串黎食。鰻魚好肥美，食極到唔會厭。今日真係冇揀錯野食，最後食個燒菠蘿就咁完美結束放題既夜晚。食完燒菠蘿成個人好fresh,爽呀！下次會再挑戰！