影片
更多
2020-10-04
327 浏览
全部5粒星！全部都好好味1. 我早左1個鐘去到😂，reception Connie 超級nice，記得我姓咩，又會話我知如果有位可以打比我，結果廿分鐘後就打比我5分鐘後有位，仲要我蠢無開電話聲，佢打左3次黎，好Nice！2. 叫左媽媽老火湯底，好好味，就咁飲都覺得好正，真材實料，連湯渣都好味到爆炸！3. 叫左九肚魚，九肚魚入口即溶，連埋湯底啲味道簡直一絕。4. 作為一個菜人，必點生菜好好味！好甜，真係好甜，勁似高級有機生菜，真係好鮮甜，我好少咁形容一顆菜😂😂😂😂。5. 牛肉＋黑豚肉都好好味，我朋友一個肉人，佢都大讚啲肉好好味！牛肉好香牛味，豬肉都好嫩，講緊牛肉已經係最平價位，都咁好味！完全唔洗沾任何醬汁！正！6. 響鈴又係火鍋必點項目，但佢同出面啲包裝響鈴唔一樣，出面街買果啲要浸7秒先會開始淋，仲要有陣油味，愈黎愈唔好味。但呢到果啲好正！真係2秒就淋晒，配埋佢個甜酸醬，一絕！食過呢間，就無辦法再食其他😂😂😂7. 菇鮑滑＋黑松露墨魚滑，又係一大鉅作。菇鮑滑好彈口，而且夠晒鮮甜。黑松露墨魚滑係冧既口感，但我都勁鐘意，因為佢好有黑松露味，而且一樣鮮甜！完全唔洗沾醬，天啊點解可以咁好味。8.
1. 我早左1個鐘去到😂，reception Connie 超級nice，記得我姓咩，又會話我知如果有位可以打比我，結果廿分鐘後就打比我5分鐘後有位，仲要我蠢無開電話聲，佢打左3次黎，好Nice！
2. 叫左媽媽老火湯底，好好味，就咁飲都覺得好正，真材實料，連湯渣都好味到爆炸！
3. 叫左九肚魚，九肚魚入口即溶，連埋湯底啲味道簡直一絕。
4. 作為一個菜人，必點生菜好好味！好甜，真係好甜，勁似高級有機生菜，真係好鮮甜，我好少咁形容一顆菜😂😂😂😂。
5. 牛肉＋黑豚肉都好好味，我朋友一個肉人，佢都大讚啲肉好好味！牛肉好香牛味，豬肉都好嫩，講緊牛肉已經係最平價位，都咁好味！完全唔洗沾任何醬汁！正！
6. 響鈴又係火鍋必點項目，但佢同出面啲包裝響鈴唔一樣，出面街買果啲要浸7秒先會開始淋，仲要有陣油味，愈黎愈唔好味。但呢到果啲好正！真係2秒就淋晒，配埋佢個甜酸醬，一絕！食過呢間，就無辦法再食其他😂😂😂
7. 菇鮑滑＋黑松露墨魚滑，又係一大鉅作。菇鮑滑好彈口，而且夠晒鮮甜。黑松露墨魚滑係冧既口感，但我都勁鐘意，因為佢好有黑松露味，而且一樣鮮甜！完全唔洗沾醬，天啊點解可以咁好味。
8. 薯粉啊！連埋佢啲醬汁同湯一齊撈黎食，彈口好香又好味，勁正！佢哦鼓油醬好味。
9. 竹蔗茅根飲品，一揸都有4杯，係真材實料煲出黎，所以唔會死甜，好味。
10. 最後仲送甜品，無叫腐竹糖水，2個都叫左仙草芋圓。嗚啊就算係送既都好好味，有綠豆紅豆珍珠芋圓地瓜圓仙草。真係拍得上出名甜品店！
一句講晒：好味！
😂我從來未試過咁詞窮，反正我一定會再黎食，仲要係西環呢間！我住邊到都要番黎呢間食！
仲要呢到呢間既音樂好好聽，好有taste！係懷舊金曲！最憎有啲店既歌又嘈又難聽😂😂
見到出面有人係到諗要唔要入黎食，勁想叫佢地入黎食😂成個癲婆咁😂😂😂
$661
9 浏览
0 赞好
0 留言
张贴
