黑門水產すいさん (棉登徑)

今日一行二人去到棉登徑搵好西食，見到有間門面好日本地道既餐廳，決定試一試。一入到去裝修好似日本居酒屋，好有日本風味！見到招牌有甲羅燒,叫左個辣辣地既赤鬼明太子蟹味噌甲羅燒。中間有粒鵪鶉蛋，會撈埋啲蟹膏明太子一齊燒，好香，蟹膏味勁濃郁，食落辣辣地勁惹味！👍🏻👍🏻😋😋海膽燒凡立貝好足料，凡立貝有好大粒肉同春，店員好好，一邊燒會幫你剪到細細份方便食！👍🏻食落好新鮮，襯熱食就一流！👍🏻壽司方面，就叫左個黑門三文魚加州反卷。卷物上面有好大粒魚子，入面有牛油果，蟹柳同玉子燒，食落好清新！👍🏻時令海鮮茶碗蒸都勁足料，一上枱就好大粒鮑魚係上面，入面就有蜆，魚子醬，非常之矜貴！😋蛋亦蒸得好滑溜😋時令魚子醬脆脆包勁香口，因為用左吞拿魚蓉做底，再鋪上生蝦，上面鋪左勁多魚子醬同魚子！又矜貴，又好食！魚子醬將成個生蝦同吞拿魚既鮮味再次提升左！😋😋😋再叫左個鐵板燒海鮮雜菌，用左好多鮑魚，海老同魷魚同菇一齊炒，好香好惹味！中意食重口味一啲既我就覺得送野像一流！野飲方面都好岩配食物，巨峰生啤好特別，甜甜地，酒泡都紫紫地色，打卡岩晒！柚子檸檬梳打都好解渴, 底層勁多柚子粒粒！👍🏻👍🏻