神石燒牛扒專門店 (碧街) (已結業)

燒飲放題食得多，咁抵咁平既真係第一次食，75分鐘$209放題，主角係澳洲M7黑毛和牛，總共可叫10款肉！澳洲M7和牛🩷和牛油脂分佈均衡，牛肉味激濃，入口有韌性，又冇啲筋位，脂肪含量岩岩好，灑少少海鹽去燒就品嚐到牛肉既甘香甜美，無限任食真係回晒本！美國CAB黑安格斯牛肩胛扒❤️牛扒既牛筋同牛筋膜較多，口感更為明顯，油脂豐富，肉質較為結實帶有嚼勁，牛味就最濃，咁大塊都唔會好硬好鞋口！澳洲穀飼100日牛扒🧡100日既牛係最好既牛，牛既肌肉同脂肪都得到均衡發展，油花同肉味都達到佐最佳平衡，所以牛扒肉質柔嫩得黎又唔會太多脂肪，油花岩岩好，肉味香濃，質感同味道都好好！壽喜燒汁牛五花💛牛五花好肥，好滑身，軟滑鮮味，壽喜燒澤甜甜地，味道更加複雜，薄薄地好正！壽喜燒汁豚五花🩵豚五花係正宗五花肉呀，夠晒肥美，鮮味十足，壽喜燒汁甜甜地又更加配合到豚肉，更加好食！壽喜燒汁牛舌🤎牛舌薄切，輕輕燒幾下就可以食得，牛舌醃燒汁甜甜咸咸，香濃既牛舌，惹味呀！