影片
更多
2022-04-07
75 浏览
同朋友入左天水圍買啲野，順路黎左天一商場，無黎一陣好多舖頭都唔同左，兜個圈睇下有咩食先，最後揀左轉角位間越南野，叫榆越Viesta，有卡位坐幾濶落，感覺唔錯。午餐好抵食喎，跟餐飲品好多得揀，本來諗住叫一份午餐再加法包，發覺散點同午餐一樣錢，哈哈，貪心要多杯野飲先。先來份小食蒜蓉牛油雞翼，朋友話佢想食香口野而叫嘅，雞翼一份有五隻，炸得好香脆，重蒜味又重牛油味，好食喎。跟住就係朋友個A餐混牛湯粉，揀左要生牛肉併牛丸，份量都幾多，滿滿一碗粉，牛肉數片，牛丸三粒。先試試湯底，餐牌話係佢地招牌牛湯喎，嘩嘩，果然無失望，湯底極鮮甜，味道濃郁唔油膩，仲夠晒熱添。揀左要金邊粉，吸飽湯汁超正，好味到飲晒全碗呀。自己就揀左要個E餐咖哩牛腩飯，個名雖然好港式，但佢係越南咖哩黎喎。碟飯個賣相擺得幾靚，唔係茶記咁樣㗎，哈哈。咖哩汁都幾重椰香，開頭食都唔覺，食食下辣勁出黎，唔係話好辣，但微微辣下又幾刺激，越食越惹味喎。牛腩就無乜特別，炆得未係好多淋身，相反配料有驚喜喎，居然係蕃薯同紅蘿蔔，咖哩蕃薯第一次，意外地甜甜地又幾夾，食下食下仲覺得好好味添，飯同汁食到一滴都無淨，正。仲叫左個D餐燒豬頸肉越式法包，包身烘得香
午餐好抵食喎，跟餐飲品好多得揀，本來諗住叫一份午餐再加法包，發覺散點同午餐一樣錢，哈哈，貪心要多杯野飲先。
先來份小食蒜蓉牛油雞翼，朋友話佢想食香口野而叫嘅，雞翼一份有五隻，炸得好香脆，重蒜味又重牛油味，好食喎。
跟住就係朋友個A餐混牛湯粉，揀左要生牛肉併牛丸，份量都幾多，滿滿一碗粉，牛肉數片，牛丸三粒。先試試湯底，餐牌話係佢地招牌牛湯喎，嘩嘩，果然無失望，湯底極鮮甜，味道濃郁唔油膩，仲夠晒熱添。揀左要金邊粉，吸飽湯汁超正，好味到飲晒全碗呀。
自己就揀左要個E餐咖哩牛腩飯，個名雖然好港式，但佢係越南咖哩黎喎。碟飯個賣相擺得幾靚，唔係茶記咁樣㗎，哈哈。咖哩汁都幾重椰香，開頭食都唔覺，食食下辣勁出黎，唔係話好辣，但微微辣下又幾刺激，越食越惹味喎。牛腩就無乜特別，炆得未係好多淋身，相反配料有驚喜喎，居然係蕃薯同紅蘿蔔，咖哩蕃薯第一次，意外地甜甜地又幾夾，食下食下仲覺得好好味添，飯同汁食到一滴都無淨，正。
仲叫左個D餐燒豬頸肉越式法包，包身烘得香脆，豬頸肉肥美有咬口，裏邊加了青瓜、蕃茄、芫茜等去膩，醬汁有沙律醬、辣醬同大大片牛油，味道豐富有層次，又係好好味呀～
餐飲叫了冷泡茉香綠茶，凍美祿咖啡同椰汁紅豆冰，雖然凍飲黎計唔係好大杯，但跟餐餐飲居然有特飲，即刻覺得好抵。茉莉綠茶清香，美祿咖啡香甜，紅豆冰啲紅豆煮得軟腍不過甜，仲好重椰香，三杯都好飲。
食得好飽呀，樣樣都好味好滿足，小店仲唔使加一添喎，抵食！张贴
