影片
又经过天一商城，继续发掘吓有咩美食先！见到呢间喺一个角落嘅越南嘢，同朋友决定下午茶一人食返碗越南汤粉先～鸡扒汤粉💰HK$58叫咗河粉、小辣、蕃茄蟹膏汤！鸡扒味道普通，蕃茄蟹膏汤有惊喜，唔会好重蕃茄嘅酸味，但又蟹膏香，再加埋辣辣地，令人回味无穷～香茅猪扒粉💰HK$86朋友就叫咗檬粉、小辣、鲜味清鸡汤！鲜味清鸡汤汤底清甜！香茅猪扒比鸡扒好食～另外仲追加咗小食金丝网春卷2件同冻越南椰香咖啡，呢两样野都水准唔错～
继续阅读
经朋友介绍先知天水围开左呢间抵食越南菜位置方便，位于天秀轻铁站隔离商场佢主打菜式有牛魔王汤河、烧牛肉法包、安格斯和牛牛腩咖喱饭、蒜蓉牛油鸡翼，椰子沙冰/芒果沙冰今次同妈咪黎食，我哋分别叫咗牛魔王汤河、安格斯和牛牛腩咖喱饭、蒜蓉牛油鸡翼、烧猪颈肉米子卷同埋油菜-牛魔王汤河有牛肚、牛丸，生牛肉河粉属于幼河粉，汤味浓郁-安格斯和牛牛腩咖喱饭咖喱唔算辣，有香茅味而牛腩好腍，原来系慢煮24小时澳洲安格斯和牛牛腩-蒜蓉牛油鸡翼好脆好香口，好香蒜蓉牛油味一碟有成5只-烧猪颈肉米子卷口感特别，好清新好好味另外仲有软壳蟹米子卷下次可以试埋
继续阅读
今次食嘢带嚟一啲越浪漫味道，搞到个味蕾即刻走去咗胡志明市！坐低黎嗌咗个牛魔王汤河，啖啖肉嘅满足嚟哂喇！牛肉嫩滑得滞，牛筋牛丸弹牙，啖啖真材实料🍲。汤底香浓，得个饮添！辣酱鸡翼讲嘢呀，秘制辣酱嗌醒个魂，外皮煎到唔错色，脆口得滞啊，捞埋啲酸酸甜甜嘅越南沙律，真系正！鸡翼入面嘅肉丝丝烂，惹味到我喊出嚟✨。最后嘅滴漏咖啡真系浓得嚟香味四溢，系咁上下嘅香浓跟住就同你乜都冇得输。攞杯冰凉凉嘅滴漏咖啡嚟配暖笠笠嘅牛魔王汤河，咖啡配牛肉，绝配呀！☕坐喺榆越，食埋佢哋嘅招牌牛肉法包，啖啖肉香，又够口感，下次真系得闲仲要再嚟试试其他啲野㗎😊。基本上呢间，就系寻日常中嘅一丁点惊喜，食得开心又暖笠笠！🌟🌟🌟
继续阅读
混牛河～熟牛同生牛～招牌烧牛肉法包～美6首先讲返个越南河粉先啦汤底10分浓郁～牛骨味～𠮶啲九层叶^青柠汁～指天椒粒～加晒落去好正好正～适合重口味嘅朋友推介熟牛呢就比较普通～生牛嘅牛肉好浓郁好滑招牌烧牛肉法包～牛肉嘅份量都多入面嘅配料都清爽，但有少少辣～面包都比较酥脆美禄恐龙中规中矩
继续阅读
天水围嘅天一商城食肆都唔少, 大众化街坊美食, 榆越主打越南菜, 汤粉和小食。牛魔王汤河汤底浓郁鲜甜, 牛肉滑溜有牛味, 牛筋够软腍, 胶质丰富。金钱肚烟韧爽滑, 牛丸爽脆弹牙, 加上清香嘅配菜香料, 河粉够爽滑。烧猪颈肉捞檬烧猪颈肉分碟另上, 烧得香脆, 肉质香滑。捞檬酸甜爽滑弹牙, 唔会有腻滞感。金丝网春卷炸得好香脆松化, 唔会肥腻多油, 蔬菜馅料够清新。越式手撕鸡沙律手撕鸡清香幼滑, 沙律蔬菜新鲜爽脆, 口感好清新。芒果沙冰冰冻凉快嘅沙冰, 散发著芒果清香风味。椰子沙冰椰汁稠厚香滑, 甜度适中, 冰凉润喉。
继续阅读