班蘭葉印尼餐廳

营业中

休息中

疫情越嚟越嚴重都唔知幾時先可以堂食夜晚。 呢間之前食過晚餐覺得好好食加上佢晚餐都有外賣都比較抵食，睇嚟去銅鑼灣都可以買多幾次食。上次試咗燒雞椰汁飯，燒雞有半隻咁多雞肉幾滑但雞胸肉都有少少鞋，不過好彩有醬汁搭救。椰漿飯平平無奇下次可以試吓黃姜飯。朋友要咗四大天王班蘭飯，最好食係牛腩勁淋肉又多又易咬，識落有少少辣但夠晒香口。令一款類似海南雞就正常會比較喜歡燒雞多啲。出面好多都係馬拉盞炒通菜，呢度有馬拉盞炒秋葵，秋葵食落唔會太老幾爽脆。馬拉盞夠晒香味仲有啲魚仔鮮味幾足。飲品方面，印尼咖啡涼粉冰幾特別加上出面好少見有呢個配搭，值得一試！去到甜品方面，一定要食佢哋嘅班蘭蛋糕$15/件，超高CP值。又鬆軟又夠香味又濕潤唔會太乾身。