牛魔 (已結業)

同friend都好鍾意食烤肉！😍見到呢一間尖沙咀嘅烤肉店🥩人氣都幾高。而且望落去都幾舒服，就同friend嚟試吓，佢哋嘅lunch time諗唔到都好抵食，💰兩個人叫咗兩個set，都已經好飽肚。最鍾意嘅，一定係佢哋嘅牛肉有唔同嘅部位俾你選擇，而我最鍾意嘅，一定係佢哋嘅牛板腱，因為肥瘦均勻，而且肉質厚實，有少少嘅油脂，更加可以食到牛肉嘅甘香。個爐好夠火力，所以微微一燒，就已經係兩邊金黃色，非常之誘惑！😋店員嘅服務態度都好好，有及時加水同埋介紹餐牌，第一次嚟都覺得好貼心。佢哋嘅飯都好好食🍚加咗日本傳統嘅味素，所以有紫菜碎，更加香口。日本飯都夠煙韌，配埋燒肉一齊食，非常之好味！