影片
更多
2023-09-01
26 浏览
終於試到小編嘅朋友們好鍾意嘅串燒店——燒烤堂。燒烤堂提供唔同國家風味嘅串燒，例如日、泰、港、川、台、韓等，滿足唔同味蕾😛 中環分店係蘭桂坊附近嘅一間商業大廈裡面，但係呢個比較偏僻嘅位置無阻食客到訪。餐廳係旺角、銅鑼灣、尖沙咀、紅磡同筲箕灣都有分店，幾方便～串燒款式超過❗️100款❗️，有肉類、魚、海鮮、卷物穀物等等。今次點咗大部分必食推介同埋人氣串燒，都好高質，難怪咁多朋友都推薦！係食串燒嘅不二之選😚----------------------------肉類▪️麻辣免治雞肉軟骨釀冬菇 （川）$28呢個配搭好特別，爽口又多汁，而且帶點麻辣，好惹味🔥▪️明太子雞腿肉（日） $28雞腿肉淋滿明太子蛋黃醬雞腿肉爽滑細嫩，掛滿明太子蛋黃醬，香滑中帶微微辛辣🍗▪️鹽燒雞中翼（日）$20雞翼外皮燒得幾香脆，可以一試。▪️鹽燒阿波尾七里香（日）$22去完四國對阿波尾雞情有獨鍾😋七里香有咬口，加咗微微調味。▪️厚切鹽燒牛舌腩 （日）$48牛舌唔算好厚但係幾爽口～▪️韓燒泡菜五花腩（韓） $28五花腩肥瘦適中，燒得幾入味，而且泡菜汁唔算太辣。----------------------------手工心機卷物（堂）$2
串燒款式超過❗️100款❗️，有肉類、魚、海鮮、卷物穀物等等。今次點咗大部分必食推介同埋人氣串燒，都好高質，難怪咁多朋友都推薦！係食串燒嘅不二之選😚
----------------------------
肉類
▪️麻辣免治雞肉軟骨釀冬菇 （川）$28
呢個配搭好特別，爽口又多汁，而且帶點麻辣，好惹味🔥
▪️明太子雞腿肉（日） $28
雞腿肉淋滿明太子蛋黃醬
雞腿肉爽滑細嫩，掛滿明太子蛋黃醬，香滑中帶微微辛辣🍗
▪️鹽燒雞中翼（日）$20
雞翼外皮燒得幾香脆，可以一試。
▪️鹽燒阿波尾七里香（日）$22
去完四國對阿波尾雞情有獨鍾😋七里香有咬口，加咗微微調味。
▪️厚切鹽燒牛舌腩 （日）$48
牛舌唔算好厚但係幾爽口～
▪️韓燒泡菜五花腩（韓） $28
五花腩肥瘦適中，燒得幾入味，而且泡菜汁唔算太辣。
----------------------------
手工心機卷物（堂）$28
▪️黑苔黑豚肉鵪鶉蛋 （堂）
呢款自家製「堂」嘅配搭好特別，黑豚肉包住鵪鶉蛋出奇地夾，而黑苔提升咗串燒嘅鮮味。
海鮮
▪️芝士燒廣島蠔（西）$48
蠔嘅鮮味同芝士融埋一齊，仲可以飲埋啲汁😋$48食到兩隻咁高質嘅蠔真係好抵食！
▪️芝士燒元貝（西）$48
元貝大大隻，爽口彈牙，不過芝士搶咗小小味。
----------------------------
野菜
▪️鹽燒秋葵（港） $16
秋葵內裡爽脆，仍然保持多汁，係開胃必點之選。
▪️牛油蒜蓉焗金菇（日）$32
雖然冇諗過呢款會歸類為日式，但係呢款好抵食同埋係每間串燒店必點！金菇索曬啲湯汁同牛油好邪惡，唯獨蒜蓉味可以再入味啲。
▪️孜然燒蒜蓉茄子 （疆）$36
茄子份量超大，適合3-4個人share🤣 如果你係重口味人士，呢款啱曬！茄子表面落咗好多櫻花蝦調味，而茄子柔軟綿滑，盡吸蒜蓉同孜然的味道。
----------------------------
得意作
▪️明太子燒厚揚豆腐（日）$28
豆腐上佈滿明太子，超吸引😍 豆腐厚切滑溜，同明太子鹹香嘅味道好夾，推薦！！
▪️黑魚子蟹肉鱈魚乾（日） $48
鱈魚乾咬落去比較煙韌，更能凸顯黑魚子同蟹肉嘅鮮味。
----------------------------
穀物
▪️蟹膏燒飯團（日）$38
這款微焦飯團搭配滿滿嘅蟹膏，層次豐富而帶有唔同鹹味嘅口感。
----------------------------
甜品
▪️蜜糖燒菠蘿（港） $18
另一款必點嘅串燒🍍菠蘿鮮甜多汁，蜜糖味唔算太重，唔會搶味。
▪️日本芝士年糕(日）$38
雖然最後食到好飽，但係值得撐爆肚皮食埋呢個🤪年糕皮非常薄同焦脆，同流心芝士唔會分離，而芝士竟然濃郁得黎唔太膩。
张贴
