夢の丼 (已結業)

咁啱過海搵朋友，佢帶左我食呢間日本野，有丼飯，有小食。見到佢signature 夢之丼都幾心心眼，有牡丹蝦，海膽，三文魚子，帶子，右口魚邊，松葉蟹，不過海膽冇貨，轉左拖羅俾我，每一件刺身魚生都好新鮮，燒右口魚邊仲要非常香口，有一刻以為自己食緊和牛😌。花錦魚生丼三文魚，三文魚子，白身魚，赤蝦，右口魚邊，金蟹子，櫻花蝦，蟹膏豆腐，青瓜，玉子漬，甜蛋。佢全部丼飯都係用油漬飯，配上芥辣已經好正，豉油都唔係好洗點，魚生又新鮮。忍唔住叫多兩舊右口魚邊，因為真係太好食，入口即溶！蟹膏豆腐，細細件分量啱啱好。柔煮鮑魚一啲都唔韌，唔使點source都好有味。不錯既一餐。