影片
港铁香港大学站 C2 出口, 步行约3分钟
继续阅读
开饭介绍
店内装潢走日式简洁风格，主打各款创意海鲜丼饭，所有刺身皆由日本鱼市场新鲜直送。店内亦供应熟食的丼饭及串烧等。
继续阅读
营业时间
星期一至日
12:00 - 15:00
18:00 - 22:00
以上资料只供参考，请与餐厅确认详情
相关文章
烧牛舌，猪软骨饭好食，青鱼麻麻地，好干。炒杂菜好难食，劲重既胡椒粉味，乜其他味都无，怀疑师傅当左胡椒粉做盐。沙律唔俾汁我系咩玩法？可能系今日太多人，忙中有乱。毕竟平时一半人都无。
继续阅读
好耐都冇奖励过自己啦😌难得出咗花红，头奖励吓自己啦。朋友话呢度啲刺身饭好好食，我叫咗两个：一个系吞拿鱼配拖罗、另一个系右口鱼配带子。第一个反应系，原来呢个世界真系有右口鱼😂上网查返资料，先知道右口鱼系日本独有，口感唔会话好肥腻，配埋紫苏叶，有种清新嘅感觉。另一款拖罗就似返平时食嘅丼饭，油花十足，啖啖系精华，真系好攞命，你叫人哋点样食返出边𠮶啲普通寿司姐🤣🤣仲叫咗烧鸡翼，师傅功力喺呢度一清二楚，外皮金黄香脆，内里Juice多汁，多一分新焦，减一分就唔熟！两个字总结：出色！叫咗个火锅，汤头味道比较淡，咁样就食得出食料到底新唔新鲜，睇嚟餐厅对自己嘅食物都好有自信，当然结果都说服左我，每一样嘢入口都知道系好嘅👍🏼👍🏼尤其是系啲蔬菜，好甜！总括嚟讲，系一间味道卖相都好唔错嘅餐厅！
继续阅读
𠮶日返工见完客，行过香港大学𠮶边，见到有间装修几靓嘅日本餐厅，见唔使排队咪入去试吓啰，点知有几有惊喜🤩🤩餐厅内里装修典雅，近厨房𠮶边有吧枱，可以见到当日最新鲜推介嘅食材。我哋叫咗两个迷你丼饭，另外叫咗个火锅，加埋两串串烧，仲有一个小食。丼饭用了有吞拿鱼蓉、带子等食材，食材好新鲜👍🏼👍🏼更加令人惊艳嘅系呢度嘅山葵系鲜磨，唔系坊间沟粉个种，入口唔会攻鼻！至于串烧方面，我哋叫咗烧鸡翼同埋葱烧鸡串，鸡翼火候控制得啱啱好，外皮香脆，内里Juicy，葱烧鸡肉个烧汁不油腻，仲食到食菜嘅原味火锅入边有唔同嘅海鲜，有三文鱼带子生蚝鲜虾，每一款都系刺身等级，另外有少少唔舍得将佢哋做火锅配料🤣🤣小食我哋叫咗蟹粉豆腐，真材实料，鲜美无味！呢度嘅嘢食精致美味，系稿赏自己嘅好地方🤩
继续阅读
同朋友去完隔离间咖啡舖倾完嘢，转个头见到呢间梦之丼又几靓就试吓佢。朋友唔食得有壳嘅海鲜，如果唔系就会嗌个二人餐都几抵，而家唯有散嗌😭轻量版一番拖罗丼($128): 有大拖罗，火炙拖罗同葱碎拖罗，仲有玉子。虽然只有每样一片，但系葱碎拖罗份量都占三份二，份量慷慨，而且无乜雪味。轻量版二重亲子丼($98): 三文鱼蓉，三文鱼子，松叶蟹，蟹膏豆腐和金蟹子。同样三文鱼用份量好多，只要加少少豉油已经觉得好满足。要一赞系喺𠮶个蟹膏豆腐做咗画龙点睛嘅作用，加少少落去就吊得出蟹嘅鲜味。 火炙原条海鳗寿司($28)，火炙右口鱼边寿司($28):即叫即整，如果可以烧得再焦香少少会更好。自家制梅酱紫苏叶卷($38):见出边舖头好少呢样嘢所以叫，食落去感觉几新奇，紫苏叶同梅酱酸酸地清新开胃。刺身沙律($78):三文鱼，吞拿鱼，甜虾再配上柚子醋，好好嘅配搭，而且都新鲜份量都唔算少，两个人都够。阿波尾大葱鸡肉($38): 用普通烧汁不过鸡肉都算大旧，但葱段比较细粒。牛舌($48):一串有三旧，正正常常，唔会过火亦都保留到肉汁嘅。鸡中翼两只($28):调味料只有盐巴，出奇地好食，烧得外皮脆脆地，而且价钱都抵食。总结：西环呢边附近日本嘢食唔算太多，做到呢个价钱而且咁多选择，都抵食。换碟加水速度都好快，而且店员好有礼貌。
继续阅读
今日经过香港大学，顺便嚟到地铁站隔离嘅呢间日本餐厅，整体来讲服务唔错，嘢食都算有水准，大家经过可以试吓！👍🏻👍🏻.🟠花锦鱼生丼除左有我至爱三文鱼，仲有好多新鲜食材，加埋Wasabi同豉油之后同丼饭一齐食真系好掂👍🏻。值得一提系佢地嘅鲜三文鱼子，十分鲜甜😍😍.🟢梦之丼佢哋嘅海鲜同埋份量更加丰富！帆立贝同牡丹虾都好鲜甜，松叶蟹肉质份量都好多！咁多海鲜都算值回票价😃👍🏻👍🏻.🟡烧羊架佢哋嘅羊架真系值得一赞，熟嘅程度啱啱好，咬落去够晒入味，又易咬口！☺️☺️☺️下次有机会一定会试吓其他烧物！😄😄.总括而言，呢间日本餐厅环境唔错，大家食完饭仲可以去海旁行吓，好适合情侣一齐过嚟！👍🏻
继续阅读