影片
更多
2023-03-07
30 浏览
餐廳裝潢好和風，樓底幾高，座位闊落，坐得好舒服，而且仲有個特式卡位，非常啱打卡。😉 而Weekend brunch包咗前菜、串燒5款、主食及甜品，每位$388，如果想飲清酒，仲可以加$188嚟個放題(限時120分鐘)，夠哂盡興！😌 清酒放題清酒由餐廳推薦，通常會有1-2款，而當日推薦嘅係「匠」純米大吟釀，用山田錦100%釀造，帶點果香及微微辛口，口感幾細緻，凍飲幾好味。😉 前菜鮟鱇魚肝一份3片，味道濃厚，口感幾滑。日本生蠔(+38)非常飽滿同creamy，帶有海水味同時好鮮甜。👍 串燒串燒有10多款，即叫即燒，種類都幾齊，有雞、豬、牛、海鮮及蔬菜可以選擇。🥢荔枝豬肉卷 - 荔枝味道清甜，同豬肉好夾。🥢蔥雞 - 雞肉幾嫩，大蔥好香甜，配埋甜甜嘅燒汁好味。❤️🥢自家製免治雞肉軟骨 - 雞肉同軟骨比例好平均，口感唔錯，醬汁濃郁，加上香滑蛋黃汁，個人好喜歡呢個。😌🥢雞皮紫蘇蝦卷 - 外面嘅雞皮燒到焦脆，入面蝦肉爽彈，加上紫蘇獨有香味，好有層次。🥢白鱔 - 一串有3舊，魚油豐富，外層燒到脆卜卜。😋🥢南非鮑魚(+$18) - 鮑魚好彈牙好新鮮，簡單配鹽已經好味！👍🥢燒油甘魚鮫(+$38) - 魚皮燒
而Weekend brunch包咗前菜、串燒5款、主食及甜品，每位$388，如果想飲清酒，仲可以加$188嚟個放題(限時120分鐘)，夠哂盡興！😌
清酒放題
清酒由餐廳推薦，通常會有1-2款，而當日推薦嘅係「匠」純米大吟釀，用山田錦100%釀造，帶點果香及微微辛口，口感幾細緻，凍飲幾好味。😉
前菜
鮟鱇魚肝一份3片，味道濃厚，口感幾滑。
日本生蠔(+38)非常飽滿同creamy，帶有海水味同時好鮮甜。👍
串燒
串燒有10多款，即叫即燒，種類都幾齊，有雞、豬、牛、海鮮及蔬菜可以選擇。
🥢荔枝豬肉卷 - 荔枝味道清甜，同豬肉好夾。
🥢蔥雞 - 雞肉幾嫩，大蔥好香甜，配埋甜甜嘅燒汁好味。❤️
🥢自家製免治雞肉軟骨 - 雞肉同軟骨比例好平均，口感唔錯，醬汁濃郁，加上香滑蛋黃汁，個人好喜歡呢個。😌
🥢雞皮紫蘇蝦卷 - 外面嘅雞皮燒到焦脆，入面蝦肉爽彈，加上紫蘇獨有香味，好有層次。
🥢白鱔 - 一串有3舊，魚油豐富，外層燒到脆卜卜。😋
🥢南非鮑魚(+$18) - 鮑魚好彈牙好新鮮，簡單配鹽已經好味！👍
🥢燒油甘魚鮫(+$38) - 魚皮燒到帶點微焦，魚肉肥美，食落啖啖肉，配上柚子醋又可以中和番魚油，nice。
主食
燒飯團好香鰹魚醬汁味道，口感有少少煙韌。
清雞湯茶漬飯，濃郁雞湯味道，飲完酒食佢覺得好舒服，成個人暖番哂。😆
甜品
芝士蛋糕帶點檸檬香氣，芝士味道唔算好濃，整體口感滑溜。
個人比較喜歡紅豆白玉，一口size嘅糯米丸子好煙韌，紅豆偏甜但勝在粒粒分明，而抹茶蕨餅好甘香，成個配搭都唔錯！ 😋
整體餐廳環境及食物質素都幾好，想同朋友好好享受weekend，傾下計同時小酌幾杯，呢度都唔錯喎！😉
张贴
