影片
更多
2022-06-20
28 浏览
連串燒都有Omakase？呢間位於佐敦嘅Mizu，喺中午嘅時候就係文青Cafe，到咗夜晚就搖身一變成嘆串燒同暢飲嘅好地方，雖然價錢偏中上，但食物質素都對得住呢個價🤤• 廚師和牛發辦 $688懶得諗食咩，等大廚發辦就最穩陣，仲有機會食到off menu嘅item！Omakase分咗和牛同海鮮兩款，另外仲包括兩道前菜，六款串燒、兩道和食、主食同味噌湯，點餐之後店員都有詢問我哋有咩係唔食，好似平時食Omakase咁。今次我哋食嘅串燒有秘製雞肉棒棒、新鮮白鱔、小炒皇、日本華味鳥手羽先、雞皮蝦同日本豆腐燒。其中小炒皇同雞皮蝦都係原本Menu上冇嘅嘢，前者用牛肉包住韮菜花再加上蒜片，的確有小炒皇嘅神韻，後者則以肥美雞皮包住鮮蝦，中間夾住明太子，燒至金黃香口。雞串燒係店家嘅Signature，華味鳥手羽先只簡單以鹽調味，更突出雞肉本身嘅香氣，秘製雞肉棒亦不愧為店員推介，沾上蘭王蛋及甜燒汁非常滋味，推介✨主角當然係鹿兒島A5和牛，火候控制得啱啱好，油香十足又唔會成口油，原汁原味已經好正🙆🏻♀️和食分別有由雞軟骨、炸蠔組合而成嘅炸物拼盤，及慢煮至軟腍入味嘅牛舌粒。特別想讚下隻炸蠔，唔係用現成貨，而係即時
• 廚師和牛發辦 $688
懶得諗食咩，等大廚發辦就最穩陣，仲有機會食到off menu嘅item！Omakase分咗和牛同海鮮兩款，另外仲包括兩道前菜，六款串燒、兩道和食、主食同味噌湯，點餐之後店員都有詢問我哋有咩係唔食，好似平時食Omakase咁。
今次我哋食嘅串燒有秘製雞肉棒棒、新鮮白鱔、小炒皇、日本華味鳥手羽先、雞皮蝦同日本豆腐燒。其中小炒皇同雞皮蝦都係原本Menu上冇嘅嘢，前者用牛肉包住韮菜花再加上蒜片，的確有小炒皇嘅神韻，後者則以肥美雞皮包住鮮蝦，中間夾住明太子，燒至金黃香口。雞串燒係店家嘅Signature，華味鳥手羽先只簡單以鹽調味，更突出雞肉本身嘅香氣，秘製雞肉棒亦不愧為店員推介，沾上蘭王蛋及甜燒汁非常滋味，推介✨
主角當然係鹿兒島A5和牛，火候控制得啱啱好，油香十足又唔會成口油，原汁原味已經好正🙆🏻♀️
和食分別有由雞軟骨、炸蠔組合而成嘅炸物拼盤，及慢煮至軟腍入味嘅牛舌粒。特別想讚下隻炸蠔，唔係用現成貨，而係即時裹粉再油炸，蠔味重又juicy🫰🏻主食可以揀飯團或者烏冬，食到依度已經好飽好滿足了😚
• 日本燒蠔 $88
呢到嘅燒蠔係用刺身級別嘅蠔，所以唔會燒到熟曬，上枱仲脹卜卜㗎！落咗海帶汁一齊燒，食落蠔味特別清甜，最後連汁都飲埋😛
• 蒲燒鰻魚 $78
蒲燒鰻魚有幾好食相信唔洗多講，燒完更加迫到浸油香出嚟🤤
• 三黃雞腿肉 $48
啖啖肉加上卜卜脆雞皮，口感超好✨
• 明太子雞肉釀冬菇 $48
雖然冬菇釀咗雞肉令口感提升咗，但明太子存在感薄弱，為咗明太子而order佢所以有少少失望🤔
• 純豚五花腩 $48
半肥瘦五花腩，油脂感重😆
张贴
