虎鐵鐵板燒

营业中

休息中

老細請食飯，揀了鉄板燒😍😍不過今日冇得坐吧臺睇師傅表演，唯有睇住奧運直播先😆選了$980套餐柚子醋沙律蔬菜新鮮，酸甜醒胃。金箔海膽黑松露魚子溏心蛋海膽好甘甜，味道和黑松露驚喜地夾，蒸蛋半生熟，超滑溜，熱辣辣。白松貝 非常爽口新鮮，輕炒過後更惹味，鮮味更岀想重味點，可蘸少少芥末醬，刺激下味蕾。雞冠海藻 骨膠原比一般海藻更豐富，爽口富彈性，但味道較淡，連埋魚籽一齊食更添甜鮮味。大牙白鱈魚魚皮經過多次壓煎，變得薄身香脆魚肉雪白，外層煎至微焦香口，肉質細緻幼嫩，好食。魚湯有好香魚油味，魚湯趁熱飲真係好正。魚下面有一有磚嫩滑豆腐，個湯感覺好養顏。A5和牛厚燒有厚燒同薄燒揀，我們選了厚燒，口感會較豐富。點了五成熟，外層稍稍煎熟至微焦，少少調味，加點喜馬拉雅山岩鹽已好好食，入口滿滿牛香，肉質好嫩滑。玉子蒜片好香脆，好似食緊薯片咁😆帶子魚湯湯很鮮甜，魚味濃，仲有兩片帶子，今晚飲了兩次魚湯，十分滿足😍海鮮炒飯炒飯粒粒飽滿，調味亦啱啱好，很香口，食落唔會好油膩。焦糖燉蛋到甜品啦，賣相好靚，燉蛋上有一片薄薄的焦糖，燉蛋蛋味濃郁帶香甜，質地軟滑，焦糖醬紅豆粒軟糯起沙，做餐後甜品真係一流。