云手工火鍋店

营业中

休息中

云手工火鍋尖沙咀加連威老道 20號瑞生尖沙咀酒店3樓與朋友在尖沙咀逛街，攰攰地想搵間環境清靜嘅地方打邊爐，就喺加連威老道的瑞生酒店內的「云手工火鍋店」開餐，真的有小驚喜😍朋友喜歡吃蟹，梗係揀「火焰沙白蟹鍋」鍋底，材料豐富，主要有海蟹和沙白、再加上辣椒、紅蘿蔔及香芹等配料👍服務員把酒放入鍋底中炒香內裏的材料，熊熊火焰就出現，有啲噱頭㗎🤪另外我哋揀了花雕醉滑牛、手打芝士牛丸、鹹蛋黃蝦丸、自家製黑松露蟹肉餃、鮮蝦雲吞、水餃等，還試埋串燒，最後點了一份雜菜拼盤，吸收晒湯底的精華，食得好滿足👍整體來說，這裏的食材材料新鮮，海鮮及肉類有鮮味，肉質嫰滑，而且份量足；丸類肉質彈牙，我最鍾意係有流心蛋黃的蝦丸，非常惹味；另外最特別的是花雕醉滑牛，牛肉味濃郁又夠滑，加上我哋喜愛嘅花雕味另有一番風味，正到爆❤️我和朋友都非常享受今晚的打邊爐晚餐，質素相當高，絕對值得一試😃