最好味既係碗中湯同豆腐花，但無必要收成千蚊位食依兩樣野。
其次係冷盤，龍蝦青口都鮮甜大隻，但蟹腳好乾，蟹鉗仲要完全無汁既。
刺身叫ok，但普普通通唔太差既日本料理舖頭都食到。
件鹿兒島和牛咸到爆，仲以為會好好味。
鵝肝叫唔錯，其他熟食不過不失。
D甜品有好多款，我揀左4款，但都係食左一啖無食，造型好靚，但d味道唔夾。所以唔夠膽再拎。
有杯welcome drink，揀左龍眼烏龍茶，無揀錯既。另外老公揀左菠蘿果汁酒，都幾好。
適逢紀念日，酒店送左件朱古力蛋糕，依件送既蛋糕仔就係成餐飯最驚喜既，因為真係堅好味，唔係buffet bar枱可以揾到既。
總括黎講，黎一次就夠，多謝哂。
1
