影片
更多
2021-10-03
39 浏览
霜瀛 (上環)#中秋前夕同朋友黎試下omakase午餐，每位$880。呢度環境幽靜，裝潢高級。女staff態度有禮，年輕師傅手法嫻熟👍🏻1）沙律：沙律菜爽口，醬汁清新，配埋車厘茄同埋粟米，健康！2）霜瀛日式蒸蛋：一睇就知非常足料，又有蟹肉又有蘑菇，而且熱氣騰騰夠晒暖胃3）前菜：係秋葵、自家製水銀草同埋牛脷，前兩者味道都係酸酸地，好開胃；牛脷估唔到咁好食，牛味香濃之餘唔會有肉腥味，口感一流4）刺身6款：赤貝配青檸汁，彈牙清爽；右口魚配自家製酸汁，魚油豐富，肉質鮮美，我同朋友都一致認同好好食，裙邊仲有多啲油分添；間八魚包住海膽，仲有魚子醬同金箔係面，矜貴之餘層次豐富；肥美嘅厚切深海池魚，師傅用火槍逼出油分，魚鮮味濃郁；鮑魚海膽飯，鮑魚彈牙有咬口，海膽無得輸，飯飽滿，仲有鮑魚粒、蔥花、脆脆；黑松露帶子，又係好大塊，味道鮮甜，中間夾住香口嘅黑松露，外層係爽脆嘅紫菜包住5）壽司6件：真鯛配柚子皮，係淡味嘅白身魚；新鮮北寄貝配青檸汁，外層微脆；赤鯥，油分重啲；鰤魚，條紋切得好靚；青森大間吞拿魚，油脂豐富；北海道海膽，師傅好慷慨，堆成小山丘，口感creamy，味道鮮甜，真係一試難忘6）迷你海鮮丼：筋
#中秋前夕同朋友黎試下omakase午餐，每位$880。呢度環境幽靜，裝潢高級。女staff態度有禮，年輕師傅手法嫻熟👍🏻
1）沙律：沙律菜爽口，醬汁清新，配埋車厘茄同埋粟米，健康！
2）霜瀛日式蒸蛋：一睇就知非常足料，又有蟹肉又有蘑菇，而且熱氣騰騰夠晒暖胃
3）前菜：係秋葵、自家製水銀草同埋牛脷，前兩者味道都係酸酸地，好開胃；牛脷估唔到咁好食，牛味香濃之餘唔會有肉腥味，口感一流
4）刺身6款：赤貝配青檸汁，彈牙清爽；右口魚配自家製酸汁，魚油豐富，肉質鮮美，我同朋友都一致認同好好食，裙邊仲有多啲油分添；間八魚包住海膽，仲有魚子醬同金箔係面，矜貴之餘層次豐富；肥美嘅厚切深海池魚，師傅用火槍逼出油分，魚鮮味濃郁；鮑魚海膽飯，鮑魚彈牙有咬口，海膽無得輸，飯飽滿，仲有鮑魚粒、蔥花、脆脆；黑松露帶子，又係好大塊，味道鮮甜，中間夾住香口嘅黑松露，外層係爽脆嘅紫菜包住
5）壽司6件：真鯛配柚子皮，係淡味嘅白身魚；新鮮北寄貝配青檸汁，外層微脆；赤鯥，油分重啲；鰤魚，條紋切得好靚；青森大間吞拿魚，油脂豐富；北海道海膽，師傅好慷慨，堆成小山丘，口感creamy，味道鮮甜，真係一試難忘
6）迷你海鮮丼：筋子（即係三文魚籽）、吞拿魚蓉，筋子非常鮮甜，完全唔會有魚腥味，吞拿魚蓉口感綿密，飯嘅質素上乘
7）麵豉湯：味道清甜唔會死鹹，幾好
8）甜品：係大大舊嘅雪糕，有益力多、栗子同海鹽味，口味獨特，比較少有👍🏻 我揀咗栗子味，食到粒粒栗子蓉，連朋友試咗一啖都大讚好食，係秋天嘅味道吖🍂
#呢餐飯食得好滿足，材料新鮮之餘仲飽肚，午餐嘅豐富程度媲美晚餐，絕對對得住個價錢。Staff同師傅又好nice，係我目前食個最好嘅omakase!
张贴
