影片
更多
2011-12-06
281 浏览
老实讲，今次真系千错万错，就错在我无3G data plan，入去之前search下.......比佢激到一肚气，所以觉得d野都难食左，唔上来打一篇野对唔住自己地点: 地点系唔错，位处踩单车去大尾笃途中必经的士多对面，几靓，几方便~ 大埔港铁站搭一程几密的车就去到了，巴士有两架，小巴都有一架去到，而且车费唔系贵。不过如果由大尾笃水坝果边行过去就有点小远食物: 野食系几入味，因为好咸好重口味。佢地不断强调系麦师傅调味....老实讲，真系食唔出有咩咁好味，亦唔识佢边个麦师傅，反而觉得有少少咸过头，应该用左好重味精，越食越口渴，加上都唔太见有黑椒同蒜蓉之类，可以算系"秘制调味"吧?? 不过我都系钟意街市买好d.....另外有样野系好值得一提，就系佢系用人地美心大班面包店用作运送面包的胶箱去装食物比客人，所以卖相真系有限，心理上都会觉得有点不卫生....真系可惜无影相，不过大家睇其他食评都会见到呢样野同埋，因为佢地装食物个箱系无隔开，.运到去炉时，佢地已经全部相亲相爱纠缠不清，食物味道交叉影响...除左咸之外，唔太食得出佢仲有咩味如果真系要讲除左咸之外有咩味呢，系有的因为有若干咖喱鱿鱼，但系食
比佢激到一肚气，所以觉得d野都难食左，唔上来打一篇野对唔住自己
地点: 地点系唔错，位处踩单车去大尾笃途中必经的士多对面，几靓，几方便~ 大埔港铁站搭一程几密的车就去到了，巴士有两架，小巴都有一架去到，而且车费唔系贵。不过如果由大尾笃水坝果边行过去就有点小远
食物: 野食系几入味，因为好咸好重口味。佢地不断强调系麦师傅调味....老实讲，真系食唔出有咩咁好味，亦唔识佢边个麦师傅，反而觉得有少少咸过头，应该用左好重味精，越食越口渴，加上都唔太见有黑椒同蒜蓉之类，可以算系"秘制调味"吧?? 不过我都系钟意街市买好d.....
另外有样野系好值得一提，就系佢系用人地美心大班面包店用作运送面包的胶箱去装食物比客人，所以卖相真系有限，心理上都会觉得有点不卫生....
真系可惜无影相，不过大家睇其他食评都会见到呢样野
同埋，因为佢地装食物个箱系无隔开，.运到去炉时，佢地已经全部相亲相爱纠缠不清，食物味道交叉影响...除左咸之外，唔太食得出佢仲有咩味
如果真系要讲除左咸之外有咩味呢，系有的
因为有若干咖喱鱿鱼，但系食唔出有咖喱味，就好似星爷咁讲，味道只流于表面，入唔到去，所以我只系见到黄色....应该就系咖喱吧??
虽然食唔出系咖喱味，不过我见到其实系有落辣椒落去试图话比人听佢系咖喱，咁做好成功，因为d辣椒都几辣，而且仲"传染"左比其他食物
仲有一样野系好神奇的.....虽然我都知，有好多人咩都会试下烧烤.....今次我都试到了.....其中一样系唔知鸡定鸭的肾
肾.....烧左同未烧都系差唔多样....完全唔知点样叫熟.........内脏唔熟真系好易食坏人ga........
我本住"我不入厕所，谁入厕所？"的心态去试烧.....一旧烧5分钟，另一旧烧15分钟.....食落唔太分得出....都系好难咬，好硬，好咸......
环境: 唔错，几大，有地方比小朋友玩，有小量有点失修的设施，有好可爱的小动物，但系见唔到个鱼塘之类
好多位置都可以望到海，又可以望到山，但系下午去时有d位置会食哂西斜热
好喇~ 之后就要讲讲服务同价钱
服务: 服务呢......绝对欠奉，可以用"不知所谓"，或者"赶客"去形容，入到去，个个都狮子咁大个鼻，十问九唔应
到比钱佢，都系一副"少你一个唔少"的样子.....感觉上我去排队交税可能仲开心，
比左钱之后竟然就过海神仙.....无人带位，无人同你讲之后做乜去边度........
完全唔知想点.....问个收银去边度，佢就来个牧童遥指杏花村咁.....求其指个方向就算
好la....我地跟佢个方向去到....根本就无位，一系就比d团留哂位.....我相信留左位佢地应该系知...竟然咁都仲叫我地去果个方向....
到我地再千辛万苦找到其他staff......
又指我地去另一个方向......
今次去到....有位喇.................执好哂野，叫人来开炉
开炉果个又话比我地听.......呢度夜晚无灯，唔会开呢度d炉..........叫我地去另一边.......
好....本来，如果未比钱的话，我地走左十世....而家比左钱，无计...忍一忍你............
点知再去到.....又找到一个staff......问佢边度有位.......
佢又指返我地第一次去果度......即系叫我地系咁loop??
我地就同佢讲，果度无位，我地去过，佢就好恶咁问:"果度无位!? 咁多位!!" 指住d 比人留左座的位.....
我地就再同佢讲，果d位比人留哂，点知佢就更加恶，一句飞过来:"我鬼知咁多! 我今日刚刚返工ja!"
先唔讲佢知唔知....我地果时真系超无助，我地系客，入来比钱，只系想有个位坐底食野
但系竟然连呢少少野都做唔到.....
你话你唔知果度留左位，我地咪讲你知lor....请问我地有咩错呢?
请问你身为一个staff，系唔系应该咁样对客人呢?
请问你地打开门做生意，比呢d咁样的服务客人，仲要自称为"烧烤王"，有无少少惭愧呢?
我想讲，由比钱果刻到真系揾到位坐底，用左半个钟
之后，再由坐底到等佢地终于有人帮我地开炉，用左半个钟
再到真系有野食落肚，系再之后的三个字，
即系我比左钱，要等一个钟头三个字先有野食
佢地仲要限我地炭，只得两包.....但系其中一包比个开炉阿姐一野开炉清左袋..............
d野食偏咸，但系限饮品一包.......
价钱: 因为系星期日，无任食.....叫左个四人餐.......d野系几够食.......
点解呢.......
因为.................有一大袋面包!!!!!!!!
其他就系几只鸡翼，少少鱿鱼，2块猪扒，几粒打边炉的丸，几条肠仔，一d不知名肉，唔知咩肾....
That's all.......全部都系平价野.........
但系价钱就一流....要$320.......再加 30开炉费........真系@#%$%($%&*@#$&(
早知试另一间好过，人地都系88蚊任食........起码我可以唔拣面包呀，肠仔呀，边炉丸呢d cheap野丫.......
张贴