大尾篤燒烤王 (已結業)

午飯來個任食自助燒烤也不錯，骨子內外都是食肉獸的我必定大滿足！而且最愛燒烤活動，日日燒都無問題！早前幫襯還舖緊石屎地，依家已經鋪好完工，不再沙塵滾滾。而且男廁翻身過，乾淨企理，廁所以前慘不忍睹，惡嗅濕淋淋又污糟。經濟任食，都懶得再買海鮮入黎。居然撞到幾個老友，大家果然係大埔友。任食套餐，執定基本唔夠再添。腸仔、雞中翼、魷魚翼、魚蛋、墨魚丸、牛丸、芝士腸、芝心丸、多春魚、豬扒、牛扒、牛柳粒、金砂骨、雞扒、等等。叔叔游刃有餘地起好火，餓死朕喇，立即開動！每次我都會使出三叉流奧義，不想浪費時間及炭火。火很美多變，忍不住每次燒烤都不停拍照﹗自家製泰式酸辣汁，中辣強酸開胃無限，似生蝦泰式汁，配雞翼、豬扒最合適。紅腸、牛丸、墨魚丸、芝士腸、魚蛋。雞中翼、雞全翼、雞腎、魷魚翼、豬扒、牛扒、紅腸、金沙骨、多春魚，全部高質無投訴，醃味醇美恰到好處。唯一出事係鱔柳，醃味及肉味都怪怪地。麻辣雞中翼，近年新出品，朋友們大讚，我第一次試。既香又辣，醃得入味，外層燒到金黃香脆，裡面就嫩滑多汁，好好味 ﹗蒜香豬扒，重手厚身好大塊！燒到兩面金黃焦香，入口鬆化有咬勁，滴汁蒜香，有骨豬甜味特別濃郁。黑椒牛扒，辛辣香氣突出

表面上 $90 一位好似幾抵, 成十幾人佢只俾兩包炭, 用晒就 $20 一包, 開爐費又 $40, 只包一支飲品, 俾錢都唔緊要, 入到埸唔會有人理你, 以往去其他燒烤場都有位哥仔帶下位開埋爐, 呢度自己搵爐, 仲要去排隊等拎炭等人開爐, 真係第一次d 位迫到冇朋友, 只俾圓櫈, 要行出去係要兜過 4 個爐先出到, 仲要不定叫人借借一開始俾一盤大雜錦, 食晒就去食物部 "輪啦", 個個拎住個藍色膠盤, 個食物部又細, 做野的人又少, 排晒長龍, 好像等派米食物質素唔算係差, 但冇樣好食, 豬扒, 牛仔粒一d 都唔勒, 成陣鬆肉粉味, 冇一樣野係食完想再食, 同個場一樣, 黎過唔會想再黎

今日放工, 公司一班猛男相約我去大埔大尾篤BBQ, 由於有車接送又係自助式, 咁方便更係去啦, 嘻嘻!由沙田渣車都要30分鐘先到, 門口有得泊車,一入到去就要每人比$100位, 再比一支水你和取食物票................門口有幾輛大巴, 原來有好多小學生和老師搞活動, 仲大合照添^^ 入到去好快找到人開爐, 環境好大, 爐和爐之間唔太逼, 食物都算OK, 但最令人反感的就是全場職員態度極差, 不停"目及"實每爐的人, 驚人呃佢人頭費, 後來佢仲衝過嚟, 不禮貌話我哋朋友未比錢, 其實係佢自己睇錯, 好彩我哋齊收據比佢睇, 見到佢無得出聲, 比錢你無端端比你閙, 梗係閙爆佢哋, 激氣, 下次都唔嚟

大埔坐小巴$3.5去。星期日位位$90+$40開爐費，俾左好多野食我們芝士腸-GOOD! 入面芝士流曬出黎!香腸-普通貨魷魚-朋友話以前好食D有雞亦、雞腎、牛柳、豬扒、少量丸無菜無金茹無燒賣番薯要另俾錢只包一包面包，未免少左D整體黎講，如果係一家大小黎既話，都有唔同既娛樂俾佢地，包括餵白兔、羊，畫畫，放小煙花等。但食物質素認真麻麻。

Happy Friday, 跟大伙人來到這家號稱區內「燒烤王」的地方, 來到時需先付錢入場, 原來每位只需 $76, 跟其他曾到訪的同類型燒烤場約 $150-$200 比較, 實在極之划算。店內食品選擇尚可, 基本東西如牛扒、豬扒、雞翼、雜腸、雜丸也有, 只可惜牛類食品的調味極度重手, 可謂「極重口味」, 吃不消; 反而豬扒沒有這個問題, 且每件都是厚切, 大大件, 值得推介, 只是豬扒需要燒至全熟, 比其他食品需要較長時間來燒烤, 需要少許耐性。嫌自己動手太麻煩? 這裡更有一位店員專門負責燒烤, 一次過燒大量的, 更有些 off menu 食品不定時供應, 是個增值位。

又一篇回顧篇。是日同朋友仔由大圍踩單車踩到大尾篤，累爆！但最開心係約咗一班大學同學一齊燒野食。好耐未試過咁齊人講真味道無咩特別好評價，唔係醃得特別好，但未至於難食。有一點大家要小心，因為d食物係一盤盤上，所有野lo埋一齊，我食到一塊紅腸有多春魚味 所以所有野都係燒熟d，免得肚仔痛，樂極生悲喔燒烤場另一個經常出現的問題：好多野好似未溶雪。一定會發生架啦，不過當晚頻率算低，輸少當贏架喇。因為是晚我地係＄90／位任食，基本上佢會比一盤食物你，你要加野就比返個盤佢，佢比咩你，你就食咩。bbq king有一點好奇怪：好平既食材佢要你比錢買（ie 玉米，番薯，麵包），貴既如肉類佢就係咁比你，所以當晚我地個個化身食肉獸，狂食肉。或者係strategy啦，我地個個勁快飽晒。食物裡面最有印象既都算係雞翼同牛柳粒。其他肉類好似全部都係一種味：黑椒味！算了，燒野食一般都唔會係為食物而去，可以坐低同一班好少見既朋友敘敘舊，涼風中圍著火堆打鬧講笑，不亦樂乎～～！！

話說我公司搞bbq, 人數眾多, 為方便所以係大尾篤燒烤王門市訂燒烤食品咁我就可以唔洗"葉"野同四圍買野, 一次過搞掂晒!我早一日上網down佢張order form 打電話落order既!一路落個位姐姐亦無話有任何問題! (態度都ok)到我落完, 因為我訂既野太多, 所以佢話要晏少少打黎覆我total 幾錢!我總數訂左3千幾蚊, 要求送貨, 要加$90ok, 你準時送到俾我加錢無問題!訂幾千蚊野一樽蜜糖都無得送 講左幾次先肯送紙碟同膠叉第2朝送貨,比我要求既時間遲左九個字送到, 好彩我下午先燒,所以問題不大!但佢地竟然可以送漏幾袋野, 仲要係因為佢地送完貨俾我張收據有問題我打番俾佢地先同我講!因為公司event 要收據claim數, 但佢俾我張收據係用塗改帶塗過個銀碼= =然後我收貨後即時打去要求佢地換過張俾我, 但個人話要去番佢地大埔門市換!算, 反正我有野要出大埔買! 然後佢係同一通電話入面話我知佢頭先送漏左2盒羊俾我, 可以到時順便拎番! 咁係咪我唔打黎你就唔會送番俾我>?>??然後我就要由上水揸車出大埔去換,同拎番我個兩盒被遺漏的羊肉去到換收據當然無問題

因為0係網頁上見到呢個地方幾多野玩,所以帶左一班小朋友去,諗住睇羊仔,踩單車等。先講食物,質素還可以,牛柳粒值得一讚,夠"淋"又幾入味,丸都算多款式,燒芝心丸好味~其他就一般水準啦,不過不失,多春魚夠大條,但有de 骨唔係好食得。但設施方面就好有問題!先係無單車租,網頁上明明寫住有,但去到見到無開,問de 職員只答我"唔清楚,係另一個老細經營"!平日唔開可以理解,但星期六明知多客都唔開就難以明白,附近亦無其他單車舖,結果班小朋友無得踩單車...除左無單車,亦無羊仔,只有兔仔幾隻...問佢地點解,又係只答我"唔清楚,係另一個老細經營"!! 網頁上說有士多啤梨園,去到又話咁熱係無士多啤梨(但網頁上無說明)...幸好,0係咩都無得玩ge 情況下被迫去左燒烤場後的一個石灘,風景一流,有好多海洋生物,啱晒小朋友~~每位$80 還算可以,但網頁上無寫要開爐費$90,結果每人都要加多約$10,又係有少少被騙感覺...

很喜歡到這類型的燒烤場，因為事前什麼也不用準備，只要帶個人去就可以了！推介No.1: 牛柳粒但要選一些沒很多筋，比較容易叉的，不然很難咬開…推介No.2: 魷魚咖哩魷魚醃得很好！而且燒起來也很快熟（看見乾身卷起就差不多了～）口感也很挺身，很有嚼勁～事前沒想過這邊的食物質素那麼好，食物的種類多，好像雞翼也有3種不同，所有吃的肉也醃得很好吃！唯一美中不足是菜類、蕃薯、粟米等要額外收費…場內還有不同的遊戲小玩意，看見小朋友在草地上玩得超高興的樣子，這邊也算是假日消閒好去處吧！

是日朋友提議到此bbq, 我也沒試過, 就試一次. 聽聞平日有任食, 假日就沒有了. 我們叫了一個差不多1000元的8-9人餐. 有一大盤食物+飲品.食物... 一看就知平平無奇, 我們平時自己買野霸爐燒也已經不燒魚蛋牛丸墨魚丸了. 還有一大堆廚司腸和紅腸, 比較好的有咖哩魷魚和牛肉粒, 這兩款都比較入味, 牛肉粒特別推介, 勁軟腍而且重牛味, 不過推來都沒有用, 反正也是不能選擇要多少.與其$110 來這裡, 倒不如$120到西貢燒, 自助又有熟食又多選擇.

saw some reviews on openrice before that didn't seem to great. however, as it is quite close to home we decided to go try it.it took about 10 minutes to arrive on the taxi.it was very big, when we first arrived we saw a very large strawberry farm,there was a lot of people picking strawberries! we might go and try it next time!we decided to order the food seperately instead of ordering the sets because there were things that we dont eat.we ordered a variety of meats, sausages and fishballs etc. t

老實講，今次真係千錯萬錯，就錯在我無3G data plan，入去之前search下.......比佢激到一肚氣，所以覺得d野都難食左，唔上來打一篇野對唔住自己地點: 地點係唔錯，位處踩單車去大尾篤途中必經的士多對面，幾靚，幾方便~ 大埔港鐵站搭一程幾密的車就去到了，巴士有兩架，小巴都有一架去到，而且車費唔係貴。不過如果由大尾篤水壩果邊行過去就有點小遠食物: 野食係幾入味，因為好鹹好重口味。佢地不斷強調係麥師傅調味....老實講，真係食唔出有咩咁好味，亦唔識佢邊個麥師傅，反而覺得有少少鹹過頭，應該用左好重味精，越食越口渴，加上都唔太見有黑椒同蒜蓉之類，可以算係"秘製調味"吧?? 不過我都係鐘意街市買好d.....另外有樣野係好值得一提，就係佢係用人地美心大班麵包店用作運送麵包的膠箱去裝食物比客人，所以賣相真係有限，心理上都會覺得有點不衛生....真係可惜無影相，不過大家睇其他食評都會見到呢樣野同埋，因為佢地裝食物個箱係無隔開，.運到去爐時，佢地已經全部相親相愛糾纏不清，食物味道交叉影響...除左鹹之外，唔太食得出佢仲有咩味如果真係要講除左鹹之外有咩味呢，係有的因為有若干咖喱魷魚，但係食

環境寬倘開揚，食物美味，價錢又經濟 ﹗樣樣都好，係衞生做唔好 ﹗廁所恐怖程度達五個骷髏頭，現反映年，都係無咩改善。今晚朋友們為我搞個農曆生日派對，但突然落起大雨，幸好有瓦遮頭，又燒起乾柴烈火，好 warm 呀 ﹗火真美 ﹗HKD68 蚊無限時任食，抵到爛 ﹗但要另加開爐費。依度有多款食材，包羅萬有 ﹗任食已包雞中翼、雞全翼、雞扒、火雞腎、金沙骨、牛扒、牛柳粒、豬扒、牛丸、魚蛋、獅子狗、墨魚丸、廚師腸、芝士腸、魷魚翼、多春魚、大紅腸、龍蝦丸、等等，款款都美味可口。沙嗲鱔柳，必食 ﹗招牌菜約 HKD170 斤架，貴貴都要食 ﹗半斤先得 5 至 6 條，勁大條、啖啖肉、超肥美 ﹗爽口嫰滑，醃得非非常入味，燒到皮脆肉嫰色香味美最好食 ﹗真係食極唔厭，實在太好味，香嫩爽滑甜美 ﹗但價錢貴左啲。蒜香雞中翼，今晚只得蒜香乍，咩都賣晒，南乳、麻辣、咖喱、黑椒都無晒囉，真好生意，好失望。蒜香雖普通，但都醃得入味，雞肉嫩滑。香草羊架，都係燒烤皇既名菜，必食 ﹗半斤只得 3 件，好鬼貴。羊架肉質軟棉，有淡淡騷味，加上香草既味道，相得益章，非常好味 ﹗蜜餞牛柳粒，但真係好似叉澆粒喎，味道同口感都激似呀。蜜餞金

踏單車後在大尾篤燒烤王燒烤去。食物不算好，但最致命的是環境！由入口行到燒烤場，途經停車場，有一段小距離，地面不算平坦。進去後我們有如盲頭烏蠅，沒有人會接待或安排座位，於是我們便到食物付款處找職員。不料那位男職員態度不友善地回答：「你地自己去搵位啦！」其實我們是第一次來到這兒，不清楚規矩也很正常，只花你少許時間，何必表現得如此不耐煩呢？我們在已經接近八成滿座的燒烤場找到一張吉桌，桌椅都不乾淨，桌子是沒有鋪膠枱布的，要自行用濕紙巾清理一番。我們坐在喇叭下，現場播放着極老舊兼不知名的普通話歌，音質低劣，只能用「吵耳」來形容，連與朋友說話都甚為艱難。最後我們點了四人套餐，$320包括洋蔥豬扒、蜜味叉燒王、沙嗲牛仔柳、蜜椒火雞腎、咖哩魷魚、什丸、芝心丸各半磅，方包、腸仔各一包，蒜茸雞中翼一磅，汽水四罐。另外要付$30附加費，包兩包碳和基本燒烤用品。一切都是自助，要自行到食物領取處拿。大尾篤燒烤王簡直一試難忘，一次便足夠。下次如要在大埔燒烤，我寧願花點功夫，自備食物，去公眾燒烤場感覺更衛生、自在。

LOUBE的第一次寫食評摸完幾斤蜆,天黑便走入大美篤燒烤王BBQ入到去佢話兩位自助BBQ75蚊位,30蚊開爐,180蚊,放好爐位後拿票去取食物,我一到給票他,他一手就給我一箱食物,我即時呆了,回位放檯一開,心念唔係自助咩,先燒兩條腸一人一條食住先, 腸梅的,肚餓照吞,之後雞中亦味精勁到不得了,朱扒味精也是還咬佢唔入,叉燒粒咬得入但勁味精,魚旦,都係梅,魷魚好爽又係勁味精 想起點解冇牛扒,唔死心,羅番箱食物去同佢講,呢箱有好多野我地唔食架,點解冇牛扒雞全亦,之後佢就羅走箱內的朱扒,其他就不取走,然後放兩牛扒兩全亦落箱,又係勁味精,牛扒硬到咬唔入,唔係我燒過龍,我BBQ左幾十年,地方大但不雅潔,廁所加洗手地方黑嗎嗎,成地水池,蚊多到小個便,中針幾野以上, 以後都唔會去,除非有改善,仲要係從友人口中的改善就會再去,信字唔易取的,