日悅極尚日式放題 (已結業)

呢間野地方大, 出面有好多自助野食, 同其他放題差不多, 但質素黎講係偏高的. 地方就係真大到有D誇張,所以坐位上, 行走上都十分之舒服.壽喜鍋比較日本風, 湯味比較咸, 日本個d通常都咸小小, 如果for hk有d餐廳會整淡d.牛肉質地都靚既, 食落口感唔會好老, 都係靚牛.呢個係和牛黎, 但我就反而唔太食得出, 脂肪比唔太重,比較似炒牛肉咁既feel , 比較硬身d, 爽口d,味道比較重既.去到咁上下時間好得意, 無啦啦會有乳豬食, 呢到乳豬質素係唔錯, 因為個肉係真係比較滑,如果對比起其他餐廳食既話我覺得係比較新鮮.sushi 火灸走唔甩嫁啦, 香港人都比較喜歡火灸, 因為香港人中意食熟野多d,始終食慣左, 起碼望落去 熟左既野比起生野吸引, 但係火灸又熟唔晒, 個底係生, 食落去口感,就好軟同彈牙, 味道同口感上就會比較好食!刺身好新鮮, 最值得欣賞都係比較有心思,設計得比較靚,刺身色澤上都係望到比較新鮮, 有入口即溶既感覺.整體成間係環境上, 質素上, 都係相當不錯~值得一試