影片
更多
2020-01-08
63 浏览
先來嘅係一個刺身， 真鯛刺身，刺身上邊仲有啲柚子胡椒，個刺身切得勁薄身，配埋個柚子胡椒食，連豉油都唔使點，真係好鮮味，好少食到一啲咁令我滿意嘅刺身。另外個刺身仲配埋一碟魚肝，上面有啲冰菜，平時食鵝肝就食得多，好少食到魚肝，原本同鵝肝一樣都係非常之香，亦都好夠味，配埋啲冰菜食，個質感非常之夾，魚肝本身有少少味，但係配埋啲冰菜嘅清爽就非常之新鮮，係一個好好嘅組合。跟住落嚟係北海道岸蠔，呢隻蠔都幾大隻，係配埋檸檬汁食，食落非常之鮮甜，唔算太鹹，亦都唔算太有海水味，好味㗎！接住落嚟嘅刺身真係帆立貝，帆立貝上面有啲岩鹽，可以點小小Wasabi食，個帆立貝真係超級新鮮同埋甜，完全唔洗點豉油，好少食到啲咁高質嘅刺身，而個Wasabi係新鮮即磨，唔會太辣，但係亦都對成道菜有啲點綴。仲有一啲裙邊， 已經燒過 ，都係點Wasabi食，呢個裙邊比較有咬口，使都係非常鮮甜，值得一讚。跟住落嚟嘅刺身係吞拿魚，成道菜下面係赤身 ，上面係吞拿魚茸拖羅(中) ，撈埋左啲蔥同埋芝麻， 可以加啲Wasabi，呢個亦都係非常好食，本身食吞拿魚茸嘅刺身都係比較膩，但呢個一啲都唔會，包埋啲蔥同埋芝麻，好香口。食完刺身就食壽司啦
跟住落嚟係北海道岸蠔，呢隻蠔都幾大隻，係配埋檸檬汁食，食落非常之鮮甜，唔算太鹹，亦都唔算太有海水味，好味㗎！
接住落嚟嘅刺身真係帆立貝，帆立貝上面有啲岩鹽，可以點小小Wasabi食，個帆立貝真係超級新鮮同埋甜，完全唔洗點豉油，好少食到啲咁高質嘅刺身，而個Wasabi係新鮮即磨，唔會太辣，但係亦都對成道菜有啲點綴。仲有一啲裙邊， 已經燒過 ，都係點Wasabi食，呢個裙邊比較有咬口，使都係非常鮮甜，值得一讚。
跟住落嚟嘅刺身係吞拿魚，成道菜下面係赤身 ，上面係吞拿魚茸拖羅(中) ，撈埋左啲蔥同埋芝麻， 可以加啲Wasabi，呢個亦都係非常好食，本身食吞拿魚茸嘅刺身都係比較膩，但呢個一啲都唔會，包埋啲蔥同埋芝麻，好香口。
食完刺身就食壽司啦，食壽司之前師傅比咗兩道菜我哋清清個口，一個就係葉蘿蔔肉，另一個呢就係冰頭漬，冰頭即係三文魚舊軟骨，已經醃製左，酸酸甜甜，我覺得食落去完全似食三文魚，食完都幾清爽，又可以增加食慾。
第一道食到嘅壽司係魴鮄，上邊配埋啲梅子蓉，酸酸甜甜，佢每個壽司都唔使點豉油已經好夠味。第二道壽司係青羽太，上邊係配柚子胡椒，配埋有子胡椒醬比上個梅子蓉更刺激味蕾。下一到壽司係蓮子鯛，上面就係配辣蘿蔔蓉，呢個魚比上兩款爽口。接住落嚟係我最鍾意嘅壽司之一， 赤蝦壽司，上面配松葉蟹膏，呢個壽司真係好好味，配埋啲蟹膏真係更加香口，而個蝦好新鮮，一啲都唔腥，味道比之前嗰三款重，相信係因為食壽司係要由淡味食到濃味， 呢個真係好好食。最後一個壽司就係大拖羅，係最肥嗰個位，呢個亦都非常出色，大拖羅入口即溶，非常香口，簡直係極品。
食完壽司就係食燒物，喺度食到比較特別嘅河豚魚，即係雞泡魚，平時日本餐廳好少會食到呢個，我哋都係第一次食係個河豚魚，食落比較硬身，而且無骨，啖啖肉，都好特別。而另外一個係煙肉燒蕃茄，呢個好出色，煙肉又唔會燒得太硬，啲蕃茄非常多汁，個配搭非常好，亦都係好好食。仲有燒鮑魚，呢個燒鮑魚都係我食嗰啲，數一數二好食嘅，佢燒到嘅火候啱啱好，可以保持到鮑魚嘅鮮味，而且亦都唔會太硬，好彈牙爽口。
仲有天婦羅食，值得一讚嘅係呢度啲天婦羅嘅皮非常之薄，所以係好好食。
甜品係最中餅，佢係一個花形嘅脆身餅皮，入面係士多啤梨味雪糕配紅豆蓉，呢個甜品亦都係非常好食，為我地呢餐作完美嘅句號
之前都試過啲omakase，食材亦都非常新鮮，但呢間食過嘅係我覺得數一數二出色嘅。
张贴
