影片
更多
2025-06-12
389 浏览
榊原位於天后商廈高層，一入到去就感受到高級日式餐廳嘅氛圍。窗邊座位可以俯瞰維多利亞公園，夜晚仲可以睇到燈光閃爍嘅城市景色，視野非常開揚；坐吧檯位可以近距離睇住師傅專注咁製作每道料理，手法俐落又細膩。餐廳環境簡約高雅，木質裝飾配上柔和燈光，令人感受到一股溫暖嘅日式禪意。今次試咗蝉時雨Omakase，由16道精緻料理組成，每一樣味道層次好豐富。日本島根岩蠔入口有濃濃嘅海水味，非常新鮮，加上酸酸地嘅醋啫喱，完全提升咗岩蠔嘅鮮味。深海池魚刺身 配 淮山山藥泥池魚鮮甜細膩，配埋山藥泥嘅滑溜口感，加上蛋黃醋嘅濃郁酸香，三樣一齊食嘅味道係平衡又特別，非常驚喜。鬚長蝦刺身用花雕酒醃過，入口多咗一層花雕嘅香氣，蝦肉鮮甜彈牙！沙鮻天婦羅 + 紫薯天婦羅沙鮻炸得外脆內嫩，魚肉鮮味突出。紫薯炸到外層香脆，內裡粉糯，味道簡單而滿足。壽司 (赤貝、骨膠原鯛魚、甘鯛魚、黑鯥魚、大拖羅、碟魚邊)魚生新鮮到入口即溶，特別係 大拖羅壽司同碟魚邊壽司，油脂豐富得嚟唔會膩，魚香喺舌頭上散開，係一種無法用文字形容嘅幸福感。馬糞海膽飯舖滿黃馬糞海膽同赤馬糞海膽，海膽新鮮到入口即溶，鮮甜無比，加上飯嘅微酸，令人回味無窮。中拖羅蓉手
榊原位於天后商廈高層，一入到去就感受到高級日式餐廳嘅氛圍。窗邊座位可以俯瞰維多利亞公園，夜晚仲可以睇到燈光閃爍嘅城市景色，視野非常開揚；坐吧檯位可以近距離睇住師傅專注咁製作每道料理，手法俐落又細膩。餐廳環境簡約高雅，木質裝飾配上柔和燈光，令人感受到一股溫暖嘅日式禪意。
今次試咗蝉時雨Omakase，由16道精緻料理組成，每一樣味道層次好豐富。
日本島根岩蠔
入口有濃濃嘅海水味，非常新鮮，加上酸酸地嘅醋啫喱，完全提升咗岩蠔嘅鮮味。
深海池魚刺身 配 淮山山藥泥
池魚鮮甜細膩，配埋山藥泥嘅滑溜口感，加上蛋黃醋嘅濃郁酸香，三樣一齊食嘅味道係平衡又特別，非常驚喜。
鬚長蝦刺身
用花雕酒醃過，入口多咗一層花雕嘅香氣，蝦肉鮮甜彈牙！
沙鮻天婦羅 + 紫薯天婦羅
沙鮻炸得外脆內嫩，魚肉鮮味突出。紫薯炸到外層香脆，內裡粉糯，味道簡單而滿足。
壽司 (赤貝、骨膠原鯛魚、甘鯛魚、黑鯥魚、大拖羅、碟魚邊)
魚生新鮮到入口即溶，特別係 大拖羅壽司同碟魚邊壽司，油脂豐富得嚟唔會膩，魚香喺舌頭上散開，係一種無法用文字形容嘅幸福感。
馬糞海膽飯
舖滿黃馬糞海膽同赤馬糞海膽，海膽新鮮到入口即溶，鮮甜無比，加上飯嘅微酸，令人回味無窮。
中拖羅蓉手卷
拖羅蓉口感豐富，濃郁嘅拖羅味道令人意猶未盡。
甜品(福岡玉子布甸、粟米雪糕)
玉子布甸滑溜細膩，蛋香味濃；粟米雪糕帶有天然嘅甜味，清新唔膩，加埋暖暖嘅麵豉湯，令整餐完美收尾。
张贴
