茶墨 (已結業)

係the one 行完街真係好需要進補下。商場頂部其實好多餐廳，而今次進補嘅就係茶墨啦！我覺得依間舖頭好係好在佢隔離仲有啲位可以俾你坐低慢慢飲完嘢傾埋計食埋cake之後先走人都得，唔使焗住一定要喺條街一路行一路飲餐廳都提供左一啲配搭上面嘅優惠意式雪糕我今日呢就揀咗兩杯嘢飲第一杯係士多啤梨雪糕奶昔。其實平時我飲嘢都會選擇走甜等，但今次唔記得咗，收到嘅時候先至醒起。但好彩杯嘢飲落又唔係特別甜，而且再加埋士多啤梨嘅酸酸地，好正。而佢嘅奶昔都唔會特別heavy 好正。上邊嘅cream其實都唔係特別甜/膩cream.而我飲落都會飲到雪糕俾佢種質地，整體來講成個配搭好唔錯，令到我想試埋其他雪糕奶昔朋友另外叫嘅係麻糬芋泥茉莉鮮奶綠。我見到佢嘅芋泥真係份量勁祝，大家諗嗰陣記得一路飲一路食，如果唔係最尾就會整返好多😂我地另外仲叫左件日向夏橙芝士蛋糕。超好食。佢嘅芝士質感好細膩。底就蛋糕質地feel 一d. mix 埋個香橙味，堅．夏日之選