正宗上海生煎皇 (已結業)

睇戲前行過登龍街, 見到有間新既上海野(終於唔係日本拉麵/沾麵), 當然第一時間去試。依到主打生煎包, 叫左一人一個。送到黎個時雖然店員已經溫馨提示左小心熱同多汁, 但因為真係太多汁既關係都爆到成枱都係汁。之後睇番原來枱角有教點食, 要先咬開包頂再吹凍D 先再食。吸取左生煎包既教訓, 食小籠包時小心翼翼。同生煎包一樣好多汁, 皮薄肉嫩, 同人想食完一隻又一隻。蒜泥白肉亦都係我推介之一, 薄薄既豬肉上面鋪滿蒜泥, 蒜既味道完美中和豬肉既肥膩, 一流。