石亭居酒屋

营业中

休息中

今日黎試呢間居酒屋，雖然麻雀雖小 不過五臟俱全，勝在好有日式風味，氣氛好好，岩晒傾計。 叫左個茄仔漬做頭盤，鍾意食酸嘢嘅呢個啱晒，茄子仲好爽口，即刻開胃晒。跟住呢就上咗個墨魚咀，呢個啊冇得輸好有口感，配埋個胡麻醬，食到停唔到口。跟住呢老闆人好好，好多熟客會帶朋友嚟食嘢。仲推介左一個深海池魚簿切刺身，呢個刺身特別在個醬汁，係配薑蒜同埋醋同一般Wasabi口味不一樣更加鮮甜。仲有我最鍾意嘅生蠔口感係好爽滑好有海水味。食完生野仲可以叫下啲串燒，好多選擇，有牛舌、雞肝、蘆筍豚肉卷。最後食埋個鰻魚飯鰻魚肉好軟腍啲汁配埋個珍珠米絕配，完美結束是日晚餐。