影片
更多
2023-08-01
127 浏览
🦪 (限定) 孖寶燒蠔2隻 $98一款係芥末蠔，一款係自家製嘅芝士煙肉蠔，蠔肉大大粒好厚肉，芥末汁好開胃，芥末同燒蠔意外地好夾，各自嘅味都突出但又冇搶走對方風頭，出色，芝士醬就比較濃味，但勁香，啱晒我尼啲重口味嘅人< 4.5/5 >—🐠 深海池魚x愛媛蜜柑鯛刺身拼盤 (各4片) (當日特別推介) $285本身想叫普通刺身，但師傅好熱情推介就一於試試，切嘅厚度啱啱好，員工話池魚係日本直送，味道好鮮甜，口感好爽，而蜜柑鯛係我第一次試，有陣陣嘅水果甜味咁，非常清香，亦都有鮮味，質感軟滑，入口即化咁，真係冇介紹錯，但分量多啲就更好< 4.5/5 >—🍢 燒牛舌串 $55厚切牛舌，調味啱啱好，好香又唔會太鹹，不過就略嫌少少韌< 3.5/5 >—🦴 燒豚肉串 $40豚肉煎到表皮好脆，肉質都算嫩，唯一美中不足就係冇乜肉汁，失色不少< 3/5 >—🍠 日本蕃薯串 $48外皮燒得香脆，入面好軟，好好味，蕃薯好甜，都算大粒< 4/5 >—🍆 燒茄子串 $25茄子厚身，個皮唔會好靭，肉質仲係爽口，淋埋啲燒汁上去超好味<
一款係芥末蠔，一款係自家製嘅芝士煙肉蠔，蠔肉大大粒好厚肉，芥末汁好開胃，芥末同燒蠔意外地好夾，各自嘅味都突出但又冇搶走對方風頭，出色，芝士醬就比較濃味，但勁香，啱晒我尼啲重口味嘅人
< 4.5/5 >
—
🐠 深海池魚x愛媛蜜柑鯛刺身拼盤 (各4片) (當日特別推介) $285
本身想叫普通刺身，但師傅好熱情推介就一於試試，切嘅厚度啱啱好，員工話池魚係日本直送，味道好鮮甜，口感好爽，而蜜柑鯛係我第一次試，有陣陣嘅水果甜味咁，非常清香，亦都有鮮味，質感軟滑，入口即化咁，真係冇介紹錯，但分量多啲就更好
< 4.5/5 >
—
🍢 燒牛舌串 $55
厚切牛舌，調味啱啱好，好香又唔會太鹹，不過就略嫌少少韌
< 3.5/5 >
—
🦴 燒豚肉串 $40
豚肉煎到表皮好脆，肉質都算嫩，唯一美中不足就係冇乜肉汁，失色不少
< 3/5 >
—
🍠 日本蕃薯串 $48
外皮燒得香脆，入面好軟，好好味，蕃薯好甜，都算大粒
< 4/5 >
—
🍆 燒茄子串 $25
茄子厚身，個皮唔會好靭，肉質仲係爽口，淋埋啲燒汁上去超好味
< 4/5 >
—
🌯 鰻魚玉子卷 $85
玉子好厚身同滑溜，都算鬆軟但有啲煎過龍，乾左少少，好在有淋返鰻魚汁上去，鰻魚有皮煎香咗，但仲有啲骨，同埋細條咗啲
< 3/5 >
—
🧈 鐵板牛油帶子 $90
尼個有極多洋蔥，洋蔥炒到啲汁出晒嚟，好香，但有啲喧賓奪主咁，帶子唔多，形狀有啲參差，但味道係好嘅，亦都算爽口，仲有幾多雜菇食
< 3.5/5 >
—
🫓 燒雪魚干 $40
燒得好脆卜卜好香口，有陣陣燻香，好開胃，點唔點沙律醬都咁正，但分量不多好快就食晒
< 4/5 >
—
🍣 (限定) 三文魚腩壽司2件 $52
正常發揮，冇太大驚喜，但食材都係新鮮嘅，三文魚腩都幾大塊㗎
< 3/5 >
—。—
+ plus 10% service charge
—。—
當晚客人不多，我同友人揀咗坐室外傾心事，坐到閂門都冇聲我哋走，而且員工好耐心咁同我哋介紹每款菜式，同真心推介每樣食物，而且餐廳不時有優惠，當晚我有89折，折實只係$810，好抵食呀 😋😋
—。—
好味👅：4/5
服務💁🏻♀️：4.5/5
抵食💰：3/5
環境🏖：4/5
张贴