影片
更多
2012-02-08
164 浏览
由於之前係雜誌見到Island Tang 嘅姊妹餐廳Kowloon Tang 係ELEMENTS 問左，小妹急不及待就去左試下佢嘅新菜。第一樣叫嘅食物，當然係Island Tang 出曬名好食嘅蜜汁叉燒，宜家黎到Kowloon Tang，我可以講係有過之而無不及，叉燒表面完全無平時燒焦嘅痕跡。睇落去雖然係無肥肉，但咬落去係彈牙而且富有肉汁。正！ 之後我地跟左經理嘅介紹分別試左橋頭梅菜脆皮扣及鄉下仔田魚蝦毛。先講下橋頭梅菜脆皮扣先，第一啖咬落去，首先就係炸過嘅米紙及腐皮，非常香脆。再咬落去就係五花腩，好入味同鬆軟，一啲少少油膩嘅感覺都無。(記得一定即食， 淋左就唔好食架啦！) 同Island Tang 唔同嘅地方，Kowloon Tang 係有東莞菜食，鄉下仔田魚蝦毛就係最不可錯過一道菜，佢用左魚毛、蝦毛、花生及韭菜炸完再炒，係非常香口的餸菜，送酒或配白粥都係一流嘅嚮受。雖然表面上，選材平平無其，但其實非常用心，魚毛及蝦毛都可以連骨及殼食用，岩曬唔想剝殼嘅食客。 當然唔少得甜品，連甜品嘅Menu 都非常細心，係獨立另一本嘅Menu (入面重有埋相)，所以記得要另外問佢拎呀！大部份甜品都
第一樣叫嘅食物，當然係Island Tang 出曬名好食嘅蜜汁叉燒，宜家黎到Kowloon Tang，我可以講係有過之而無不及，叉燒表面完全無平時燒焦嘅痕跡。睇落去雖然係無肥肉，但咬落去係彈牙而且富有肉汁。正！
之後我地跟左經理嘅介紹分別試左橋頭梅菜脆皮扣及鄉下仔田魚蝦毛。先講下橋頭梅菜脆皮扣先，第一啖咬落去，首先就係炸過嘅米紙及腐皮，非常香脆。再咬落去就係五花腩，好入味同鬆軟，一啲少少油膩嘅感覺都無。(記得一定即食， 淋左就唔好食架啦！)
同Island Tang 唔同嘅地方，Kowloon Tang 係有東莞菜食，鄉下仔田魚蝦毛就係最不可錯過一道菜，佢用左魚毛、蝦毛、花生及韭菜炸完再炒，係非常香口的餸菜，送酒或配白粥都係一流嘅嚮受。雖然表面上，選材平平無其，但其實非常用心，魚毛及蝦毛都可以連骨及殼食用，岩曬唔想剝殼嘅食客。
當然唔少得甜品，連甜品嘅Menu 都非常細心，係獨立另一本嘅Menu (入面重有埋相)，所以記得要另外問佢拎呀！大部份甜品都係HK$88，但我覺得唔算貴，因為我食到甜品師父嘅用心。
我就揀左核桃朱古力蛋糕配Exotique Sorbet，一上檯我第一啖就係食個Brownie，下層個蛋糕重係暖，而上層就係凍嘅朱古力，放左入口嘅感覺真係非筆墨能夠形容。而朱古力慕絲比其他餐廳打得更 “企身”而且更滑，只要你幻想下食Haagen-Dazs 雪糕同雀巢雪糕，你就會明。 而個雪葩食得出係跟據香港人口味調教，味道係更清新同無咁甜，真係值得一讚。
张贴
