華香雞 (已結業)

朋友話公司附近早排開左間新餐廳，原來係結業多年嘅「華香雞」重出江湖，當然要過去一齊試下久違的味道啦。餐牌有好多選擇，除咗最出名嘅雞，仲有牛筋腩、排骨、滾菜、鱸魚、素齋、白鱔等等，適合任何人嘅口味。黎得呢度，當然要試華香雞，我地仲點左薑蔥鮮雞同清湯牛筋腩試試。首先講講個招牌華香雞，我地選左配煎黃飯煲，黎到個飯仲大過碟雞，真係嚇一跳，價錢只係 $58，好實惠。華香雞啖啖肉，有雞味，雞肉嫩滑，有d似豉油雞，配合蔥油食，味道好夾。重點黎啦，就係個煎黃飯煲，呢個煲溫煲係老闆發明，仲係佢重投飲食業嘅其中一個原因！黃薑飯好有味，面頭有雞蛋絲同椰菜絲，上菜時仲吱吱聲，原來係不銹鋼鍋底將個底煎成飯焦，配合個小鑊鏟食，好有特色。再黎係薑蔥鮮雞（$50），同樣用保溫煲熱住，面頭鋪滿芹菜，好香。本身都驚咁熱住d雞會鞋，又無喎，咬落仲好有肉汁，軟腍腍好嫩滑，仲非常入味。薑蔥味唔會濃，仲食到好香雞味，果然新鮮雞係唔同d！最後仲有一個清湯牛筋腩煲（$78），清湯腩幾有嚼口，唔痴牙，炆得夠時候，牛味夠濃。牛筋就軟腍入味，仲有底下d白菜都好有牛味架，認真好味！總括而言，味道好有老飯店嘅味道，用料都係新鮮真材實料，手工菜