影片
更多
2022-12-04
537 浏览
Espresso Alchemy (尖沙咀)📍尖沙咀廣東道3-27號海港城港威商場地下G104號舖-三度回訪 Espresso Alchemy 依然咁享受佢地嘅咖啡同食物❤️-我地叫左兩杯Coffee，兩份Main 同一個甜品，非常豐富😋-☕️Flat White $45Flat white 其實同 Latte 好相似，但奶嘅比例就會較latte 少，所以咖啡味自然會比較濃。奶泡一般都唔會太豐盈，屬於細滑同薄身，所以入口都幾絲滑。而Espresso Alchemy 採用左單一產地嘅Ethiopia Gelgelu , 所以果味會比較重，而Flat White 因為加左奶，帶有少少雲呢拿味！-☕️ Cappuccino $44Cappuccino 相對奶泡豐盈得多，所以奶嘅比例自然比Flat White 少，入口咖啡味都較濃少少！佢地嘅Cappuccino 就用左Alchemy Blend, 主要係巴西、哥倫比亞同印度嘅咖啡豆，酸味好低，nutty 味濃，而且帶有少少朱古力味👍🏻-🥪牛油果蕃茄芝士意大利三文治 $76牛油果份量多，Panini 外皮香脆乾身唔黏口👍🏻-🥪牛肉三文治伴蘑菇及沙律配
📍尖沙咀廣東道3-27號海港城港威商場地下G104號舖
-
三度回訪 Espresso Alchemy 依然咁享受佢地嘅咖啡同食物❤️
-
我地叫左兩杯Coffee，兩份Main 同一個甜品，非常豐富😋
-
☕️Flat White $45
Flat white 其實同 Latte 好相似，但奶嘅比例就會較latte 少，所以咖啡味自然會比較濃。奶泡一般都唔會太豐盈，屬於細滑同薄身，所以入口都幾絲滑。
而Espresso Alchemy 採用左單一產地嘅Ethiopia Gelgelu , 所以果味會比較重，而Flat White 因為加左奶，帶有少少雲呢拿味！
-
☕️ Cappuccino $44
Cappuccino 相對奶泡豐盈得多，所以奶嘅比例自然比Flat White 少，入口咖啡味都較濃少少！
佢地嘅Cappuccino 就用左Alchemy Blend, 主要係巴西、哥倫比亞同印度嘅咖啡豆，酸味好低，nutty 味濃，而且帶有少少朱古力味👍🏻
-
🥪牛油果蕃茄芝士意大利三文治 $76
牛油果份量多，Panini 外皮香脆乾身唔黏口👍🏻
-
🥪牛肉三文治伴蘑菇及沙律配檸檬醋醬 $88
肥牛同蘑菇份量好多，如果加埋少少Tabasco更提升到味道！
-
🍞 西多士伴鮮醬果及雪糕配自家製海鹽焦糖醬 $72
並非一般西多士質感，中間夾雜左新鮮果醬，入口絕非坊間傳統西多果種咁油膩！而自家海鹽焦糖醬都係一個不可或缺嘅element , 沾埋一齊食超好味！
另外雪糕係充滿着雲呢拿籽架😍
-
❤️👍🏻 最後想大讚員工嘅觀察力同主動性！有一對客人坐低左唔夠一分鐘後再轉位，職員就立即去原位做清潔消毒，衛生意識好高👍🏻👍🏻👍🏻
张贴
