花貝日本料理 (已結業)

琴日同老公去咗食呢間日本野，環境好靚，食物都幾好食。前菜前菜係日本蕃茄配水雲，漬物係牛蒡同蕎頭，老公好鍾意食蕎頭，好清新爽口。 茶碗蒸茶碗蒸上面有一層芡，加咗呢個芡令到口感更滑。入面仲有好多配料，好足料。 吞拿魚腩魚生飯配蕎麥麵 $498我叫咗蕎麥麵配魚生飯套餐，魚生飯好多選擇，我就揀咗吞拿魚腩。吞拿魚腩好多，啱啱好撈得晒啲飯，加埋蔥花紫菜更加有層次。季節雜錦魚生 $498 擺盤好精緻，一盤有9款刺身，根據季節而定。嗰日有鯖魚、真鯛、左口魚、牡丹蝦、赤身、大拖羅、赤貝等等。赤貝爽口，赤身魚味重，大拖羅同左口魚魚油都好多，入口即溶。牡丹蝦大隻鮮甜，真鯛炙燒完好香。一盤都夠兩個人share。甜品有豆腐雪糕同黑芝麻雪糕，兩款都幾好食。豆腐味重豆味，芝麻幾幼滑。