大滿喜日本料理 (已結業)

今日去左食旺角大滿喜放題，一入門口係自助沙律吧，冷盤中華沙律，八爪魚仔，螺肉。飲品係大雪柜有好多選擇，入面安排坐大卡位都幾舒服。坐底即該order d大盤刺身先，有三文魚，吞拿魚，带子，北寄貝，螺片，油甘魚，甜虾等，都厚切新鮮。卷物手卷軍艦壽司好多選擇，細細件吾會食飽哂個肚。串燒牛舌，雞軟骨，番薯仔，芝麻雞翼，牛柳粒，羊架都好好味！推介有花膠仔同辣大蜆！點少得炸虾同蟹腳天婦羅，每樣食左幾件！個肚好飽，仲有d菜式都未嘗試到！要留返第二個胃食甜品雪條！食左new york 芝士餅，綠茶慕士餅，tiramisu 細細件吾太漏！雪條柜好多選擇，都食左兩條呀！下次再帶朋友黎食，價錢都抵食！