福丸水產 鉄板燒 日本料理 (已結業)

生日正日，老婆話比個驚喜我去荃灣食飯，去到楊屋道街市附近，本來以為係打邊爐，但原來係食日本料理今次點左個秋刀宴，原來要兩日前預訂，老婆準備周到！熱情果冰啤，飲得又食得(碎冰),似啤酒節入面既手工啤！先來前菜:蟹肉青瓜啫喱，八爪魚，鰻魚蛋卷,為豐富嘅秋刀魚宴打開序幕刺身拼盤秋刀魚，獨有本身魚味，魚油味亦很重油甘魚，香魚油味，好肥美金目調，肉質柔嫩牡丹蝦，好鮮甜大拖羅，好大粒，入口即溶秋刀魚天婦羅，包左紫蘇葉炸，外脆內軟，脆漿好薄，茄子和菇都炸到好嫩岩燒秋刀魚，鮮魚嘅肉質係唔同啲，好香秋刀魚獨有嘅味道，檸檬酸味同秋刀魚腸苦味中和左！秋刀魚佃煮，用汁煮，味較濃，有啲似東坡肉，日本家庭料理，香港比較少食到秋刀魚壽司，味道香濃，魚油味香秋刀魚配稻庭烏冬，秋刀魚切條，滿魚油香又彈牙。最後食返個日本芝麻味雪糕，今餐好滿足今餐飯可見師傅準備左好耐，估唔到荃灣都有咁堅既餐廳，臥虎藏龍！