中華滙館 (已結業)

去開中環，想到舊式出名茶樓用膳，見到對面開咗一間都好有氣派嘅中菜廳，門面光鮮，但內裏讓人有一種神秘感，正正就係呢重感覺吸引我同家人改變主意，決定試吓呢間中菜廳。菜館入邊座位不算多，而且好闊落同乾淨，坐得好舒適。呢度無論裝修，座位同埋餐牌都有氣派，因為不想打擾到別人，所以沒有特別影四周圍環境。餐前小食要咗麻辣口水雞，味道不太麻辣，但雞十分嫩滑，雞味不錯。香茅洋蔥炒黑豚肉，呢一道餸十分惹味，好好送飯， 香茅味突出，豚肉又淋，洋蔥好醒胃。另一味要咗香茅蝦球，蝦球肉質非常彈牙有口感，口口嘅蝦肉外層帶有香茅調味，中間保留蝦嘅鮮甜。以上菜式 雖然只係普通家常便飯小菜，但味道層次十分出色。