森馬美食

营业中

休息中

表姐樓下新開咗間潮州食店，已經叫咗我好多次，話一齊去食可以叫多幾樣，咁啱今日放假就應約，位於得寶商場地下座位好多，森馬美食以酒樓潮州廚師主理，以滷水鵝為主，亦有多種潮州食品以及潮州湯粉麵。表姐樣樣都話想食，想一想點了滷水鵝件、滷水拼盤、潮州鹹雞、沙嗲牛肉時菜、潮州蠔仔餅。滷水鵝及拼盤份量豐富，有鵝件、豬腩肉、紅腸、豬大腸、潮州肉卷，滷水味道非常好唔太咸，味道好香好入味，的確出色。潮州鹹雞食得出有加入秘製香料，雞肉結實鹹香味十足。沙嗲牛肉時菜，牛肉沙嗲味香濃肉質嫩滑。潮州蠔仔餅正宗外層好酥脆，蠔仔新鮮甜美，點魚露更提升鹹脆口感。森馬美食的確係一間隱世潮州美食，味道好正宗，表姐今次無介紹錯。