影片
更多
2020-01-04
59 浏览
今日突發同一個好耐冇見嘅朋友約出嚟傾計飲酒，佢話帶我去間佢近期好鍾意去既酒吧，佢請喎，有嘢食有得shisha又有酒飲，所以跟佢去見識吓。一入到黎覺得呢一間餐廳明顯地有私人會所嘅感覺，職員全部都好有禮貌，酒吧嘅燈光同埋入面嘅顧客都充滿着貴氣。開放式酒吧嘅斜對面係一個好大嘅露台，露台對住嘅正正就係維港景觀，如果天氣唔太凍嘅話坐出面應該都會好舒服，同埋好適合女仔打卡。另外要讚一讚Menu嘅設計都好精緻。呢個係我哋叫咗嘅shisha，我哋揀咗mango lassi味。負責shisha嘅靚女待應話呢個味道係比較濃所以要加$40，後來我先知道shisha原來係用一條條嘅香料燒熱拼砌出嚟嘅味道，所以如果個味道越複雜個價錢就會越貴。而且呢度仲有得加酒既base，不過我地就叫左普通base。呢隻味吸落好甜，好適合女仔。之後就到酒嘅部份啦，我同朋友一人叫咗一杯cocktail，朋友叫嘅係Chinese Old Fashioned，係用中國酒做基底嘅一杯雞尾酒。我認為呢間酒吧主要賣點應該都係俾人打卡，佢嘅酒杯同埋presentation做得好精緻。而呢一杯中式雞尾酒亦都好巧妙咁加咗花椒同埋八角，不過朋友就略
一入到黎覺得呢一間餐廳明顯地有私人會所嘅感覺，職員全部都好有禮貌，酒吧嘅燈光同埋入面嘅顧客都充滿着貴氣。
開放式酒吧嘅斜對面係一個好大嘅露台，露台對住嘅正正就係維港景觀，如果天氣唔太凍嘅話坐出面應該都會好舒服，同埋好適合女仔打卡。
另外要讚一讚Menu嘅設計都好精緻。
呢個係我哋叫咗嘅shisha，我哋揀咗mango lassi味。負責shisha嘅靚女待應話呢個味道係比較濃所以要加$40，後來我先知道shisha原來係用一條條嘅香料燒熱拼砌出嚟嘅味道，所以如果個味道越複雜個價錢就會越貴。而且呢度仲有得加酒既base，不過我地就叫左普通base。呢隻味吸落好甜，好適合女仔。
之後就到酒嘅部份啦，我同朋友一人叫咗一杯cocktail，朋友叫嘅係Chinese Old Fashioned，係用中國酒做基底嘅一杯雞尾酒。我認為呢間酒吧主要賣點應該都係俾人打卡，佢嘅酒杯同埋presentation做得好精緻。而呢一杯中式雞尾酒亦都好巧妙咁加咗花椒同埋八角，不過朋友就略嫌香料味道濃左少少，所以飲到一半亦都拎走左。
至於我就叫咗一杯bubbling vampire，係一杯果味比較濃嘅雞尾酒嚟嘅，同樣亦都係好適合打卡，因為佢上枱嘅時候用乾冰係表面做咗噴煙嘅效果。
嘢食方面，我哋兩個都唔係太肚餓，所以叫咗一個cheese and ham platter。裏頭有Parma ham同埋三款芝士。當中有羊奶芝士、藍芝士同埋Parmesan Cheese，可以話係唔同濃度質感同埋口味嘅芝士都有齊。
之後我再加多左一個店舖推介嘅焦糖布甸，布甸上面加咗藍莓同埋一粒粒嘅mochi，增加左成件事嘅口感。之後我哋就好開心咁坐喺度坐左成晚，侍應亦都好好，唔會話趕我地走。有得我哋慢慢坐喺度傾計。shisha職員亦都好專業，間中會過嚟幫我地換炭
张贴
