尚興潮州海鮮飯店 (已結業)

一行六人飯敍，首先點了拼盆，問服務員叫甚麼size,佢話叫個細就夠食，跟住點了鵝片拼鵝肝加腸，服務員就叫食住先再唸。拼盆有蝦蟹棗，魷魚同海蜇，份量真係夠六人吃，四樣都好味。鵝片鵝肝滑身，腸則去左肥膏好爽。之後加煎九肚魚胳，魚甜煎得香，第一次試呢種煎胳。腿茸紹菜清甜、兩麵黃幾乾身、齋春卷抵食。甜品叫咗一碗芋泥，撈埋送嘅綠豆爽幾挾。第一次食反沙芋都唔錯。可能預做一輪，所以可慢慢叫嘢食，雖然冇叫貴價野，服務員都冇白眼。