瀛豐放題料理專門店

好耐無食過放題，行開街同媽媽黎到呢間放題食下嘢，平日夜晚黎都係二百幾蚊一個人，好抵食🤟🏼一坐低侍應會送上嘅蟲草花燉雞湯，十分足料，好暖胃。加左$148升級嘅極品海鮮嘅拼盤，有魚子醬，日本蟹腿🦀，青口，刺身拼盤，本身隨餐附贈嘅有油脂味香濃嘅三文魚腩，吞拿魚腩，八爪魚，生蝦等嘅刺身，表現都好出色，唔會有半點雪藏味，處理得好好👍🏻飲品有好多選擇，無論汽水，茶類到啤酒都有🤟🏼壽司，甜品，小吃等好多都好貼心咁煮成半口份量。榴蓮糯米糍偏軟糯，入口即溶，半口嘅份量剛剛好。食完一堆刺身之後，好需要食啲熱嘢暖暖肚，叫左呢個鰻魚炒飯，醬油味香濃，鰻魚肉亦好足料🤍值得一說，餐廳嘅服務態度不俗，好友善，換碟清理時間亦好密，唔會堆到成檯亂哂。