🍨幸福滿滿流心芒果布甸$44
表面睇見都好多芒果，本以為係普通嘅足料芒果布甸，但當匙羹插入芒果布甸嘅中心，即有超濃郁又香甜嘅流心芒果醬汁湧出，超驚喜之作🤩，布甸芒果味超濃郁，質地滑溜，就算唔落奶都好好味😋。
🍨樹記腐竹薏米白果糖水$33
用上大埔樹記腐竹，煲到所有腐竹溶哂，口感creamy如忌廉湯般絲滑，白果Q彈，薏米軟糯有咬口，順喉效果超正👍。
🍨蘆薈雪燕綠豆邊馬蹄爽$46
清爽蘆薈、滑溜雪燕、腍香綠邊豆再加埋又爽又滑嘅馬蹄爽，整體口感超清爽，啱哂夏天咁悶熱嘅天氣😃。
🍹 香水檸檬蜂蜜蘆薈茉莉綠妍茶$28
呢款飲品非常消暑清熱，清新香水檸檬及濃濃嘅蜜糖味，從中又滲出淡淡嘅綠茶香，每一口亦啜到爽口蘆薈。
🧆香脆豆卜釀豬肉5粒$38
豆卜炸得非常香脆，內裡釀滿豬肉，整體鹹香好味。
聽店員講糖水係用冰糖，不用沙糖，所以飲落特別滋潤，甜度亦剛好，唔會太甜太膩。
感覺到呢間店舖非常用心做糖水，用料真材實料，食出原味道之餘，亦食出無限驚喜。
