辛之作手工糖水

营业中

休息中

最近喺太子發現有一間唔錯嘅手工糖水舖, 真心推介!今次我哋叫咗三個糖水同一個小食, 全部都好有驚喜!蘆薈雪燕綠豆邊馬蹄爽 - 凍(HK$45)呢個糖水真心要讚!呢排天氣又焗又濕, 食依碗冰凍嘅馬蹄爽, 真係透心涼.材料好足, 馬蹄粒大粒又爽脆, 綠豆同雪燕份量都唔少.甜度啱啱好, 清新唔膩, 食完超滿足!新鮮海底椰椰汁雪燕桃膠露 - 凍（HK$48)呢款糖水椰汁味濃郁, 夏天食一樣好清涼.雖然冇馬蹄爽咁清新, 但有椰子肉同埋勁多桃膠, 口感豐富.超正!黑白配 - 自家製芝麻糊配蛋白燉3.6牛乳 (HK$40)呢款糖水完全係另一種體驗.味道會濃啲.芝麻糊食落好香, 入口順滑.蛋白燉牛乳口感似食緊布甸, 質感超滑溜.鍾意食芝麻糊同燉奶嘅朋友, 依個配搭真係必試!香脆豆卜釀豬肉 (HK$38/5粒)冇諗一間糖水舖嘅小食可以咁出色!一上枱已經聞到香味.每粒係一口size.豆腐外層脆脆地, 裡面釀滿豬肉餡.而且啲肉汁仲鎖住喺裡面.就算唔點泰式辣醬都已經好夠味, 好好食.呢個小食一定一定要嗌!下次再嚟太子，我會試吓其他甜品, 同埋再食香脆豆卜釀豬肉.

餐廳裝修以米色及木系為主調，簡潔清雅舒服，全部都係手工製作，除咗有傳統糖水之外，仲有新派甜品，同時亦有小食及飲品，另外仲有養生湯水可供外賣。🍨幸福滿滿流心芒果布甸$44表面睇見都好多芒果，本以為係普通嘅足料芒果布甸，但當匙羹插入芒果布甸嘅中心，即有超濃郁又香甜嘅流心芒果醬汁湧出，超驚喜之作🤩，布甸芒果味超濃郁，質地滑溜，就算唔落奶都好好味😋。🍨樹記腐竹薏米白果糖水$33用上大埔樹記腐竹，煲到所有腐竹溶哂，口感creamy如忌廉湯般絲滑，白果Q彈，薏米軟糯有咬口，順喉效果超正👍。🍨蘆薈雪燕綠豆邊馬蹄爽$46清爽蘆薈、滑溜雪燕、腍香綠邊豆再加埋又爽又滑嘅馬蹄爽，整體口感超清爽，啱哂夏天咁悶熱嘅天氣😃。🍹 香水檸檬蜂蜜蘆薈茉莉綠妍茶$28呢款飲品非常消暑清熱，清新香水檸檬及濃濃嘅蜜糖味，從中又滲出淡淡嘅綠茶香，每一口亦啜到爽口蘆薈。🧆香脆豆卜釀豬肉5粒$38豆卜炸得非常香脆，內裡釀滿豬肉，整體鹹香好味。聽店員講糖水係用冰糖，不用沙糖，所以飲落特別滋潤，甜度亦剛好，唔會太甜太膩。感覺到呢間店舖非常用心做糖水，用料真材實料，食出原味道之餘，亦食出無限驚喜。

前排去睇結婚嘢 順便去太子附近覓食比我哋搵到間特色手工糖水😋喺入面除咗坊間可以飲到嘅糖水之外亦提供左唔同種類同埋季節性限定糖水🌻☀️🍂❄️每款都各有特色 難怪咁多街坊咁多回頭客😎我哋叫咗兩個甜品兩個小食🍽️1️⃣ 新鮮菠蘿椰汁雪燕寒天凍 ~ 大推!夏天解渴之選2️⃣ 日本小山園抹茶奶凍配紅豆麻糬 ~ 濃郁綠茶配煙靭麻糬3️⃣ 泡椒雞翼尖 ~ 呢個係凍盤好有咬感4️⃣ 脆炸豆卜釀豬肉 ~ 零油感香脆好食除咗糖水之外老闆都加入咗啲外賣項目‼️啱晒打工仔又冇時間諗煮咩餸你哋當中有唔同種類嘅餸包同埋湯包💕

同朋友喺太子食完飯．未夠盡慶再轉場喺附近食糖水雖然店舖唔算好大，但環境乾淨．坐得舒適打開Menu 有多款養生手工甜品有別於一般傳統甜品店唔係好多地方食到用腰果製作嘅甜品嚟到一定要試✨腰之戀底層用3.6牛乳燉製嫩滑嘅蛋白上面加上細膩嘅腰果露層次分明．雙倍幼滑嘅口感✨新鮮菠蘿椰汁雪燕寒天凍選用新鮮菠蘿打成蓉再加入滋補雪燕同Q彈嘅寒天凍口感豐富．味道鮮甜清新✨泡椒雞翼尖帶點微辣嘅雞翼尖滲出泡椒辣香估唔到小食都咁有水準

🍮太子隱世手工甜品｜夏日必試清爽糖水站🍧行街行到攰，無意中發現呢間高質手工糖水小店，真心有驚喜！✨ 裝修簡約舒服，暖黃燈光好relax，感覺就似夏日街坊糖水站，入面四點都坐滿人！呢度嘅糖水全部用新鮮靚食材💓 無黐喉感😍 食完唔使飲水，冰糖代砂糖，特別清爽解暑🧊。🍍 新鮮菠蘿椰汁雪燕寒天冬 $44期間限定！鮮菠蘿🍍＋椰汁🥥 甜味適中，香味厚實，清涼解熱💦 果控必試🤩🥜 腰之戀 $44腰果露配牛奶布丁🍮 香濃滑溜，口感濃厚😜 店內銷量No.1，腰果控唔可以錯過😋🌾 日本椰青紫米露 $40超足料💯，滑溜唔甜，🍚米香十足，🥥椰青脆脆，健康又好味😚🌶 泡椒雞翼尖（涼食）$35涼浸浸微辣醒胃，夏天消暑一流😇 仲可以調較辣度，食完想食仲有餸包賣😍

🍨 太子界限街的糖水秘境｜手工無添加の匠心演繹 📍#太子美食 #隱世糖水鋪 #香港甜品控 「辛之作」—— 糖水界的低調詩人 推開玻璃門瞬間，空氣漫延著慢熬細燉的甜香✨ 全店堅持💯%無添加，每碗都是時間淬煉的溫柔！ ——— 🌟 必點神作推薦 🌟 1️⃣ 紅顏白雪仙子 💰50 荔枝季限定！仙氣名字藏著「新鮮荔枝+雪耳+愛玉露」王炸組合 果肉爆汁×愛玉輕顫，凍品冰鎮透心涼❄️ 2️⃣ 黑白配 💰48 水墨畫般的視覺衝擊⚫️⚪️ 手磨芝麻糊裹著3.6牛乳蛋白，熱吃綿滑/凍食濃醇雙重享受 3️⃣ 甜心甘露（楊枝甘露）💰52 芒果肉沉碗底🥭 西柚粒酸爽引爆 西米煮出琥珀啵啵感～凍品酸甜黃金比例 4️⃣ 法國栗子蓉椰汁西米露 💰46 ✨隱藏版法式風情🌰 真·法國栗蓉混搭椰香，西米透光如琉璃 熱食栗香更奔放，凍品甜度更收斂 ✨ 神級加配 +💰22「香脆豆卜」 現炸鹹香酥粒顛覆味覺，包住新鮮嘅豬肉，解膩魔法發動！ ——— 🔥 店主秘密通關密語 ▫️ 熱食糖水用慢火熬⌛️ 趕時間慎點 ▫️ 鋪頭藏廣發大廈轉角🫢 認住綠色門框 ▫️ 法國栗子蓉每日手撈，晚到吃手尾 💌 吃貨存檔 💰

夏天到啦，最啱食返碗消暑糖水！最近發現太子有間主打天然無添加自家製手工糖水舖。試咗幾款季節限定，好消暑，啱曬夏日炎炎；仲試左佢哋既皇牌腰果露，好有驚喜！ 繽紛雙層D24榴槤奶凍全場MVP！榴蓮控必試！榴蓮超香濃，奶凍滑得嚟有奶香，仲有面層既果乾同椰子脆片，好有層次感，口感勁豐富。 新鮮荔枝雪燕愛玉荔枝又大粒又甜，愛玉滑嘟嘟帶微微酸，雪燕增加口感，糖水係採用冰糖煮，好清甜超fresh！ 腰果露配蛋白燉3.6牛乳腰果香氣超香濃，口感順滑，燉蛋白都係好滑，兩者夾埋一齊食更加相輔相成，更顯腰果堅果香氣。果然係小店皇牌必食！除左糖水，仲有小食，好特別！試左瑤柱花膠碗仔翅，好足料，花膠大塊，仲有好多而且好濃郁，聽店主講係用上豬骨火腿熬煮湯底，飲得出好濃郁，真係真材實料！呢間糖水舖好有心思，會推出季節限定甜品，款款有特色，尤其荔枝愛玉同榴槤奶凍必encore！

非常濃稠非常足料非常濃味嘅腰果露😍😍😍😍我最鍾意就係食濃稠口感嘅中式糖水，所以好啱口味😍😍😍店員話先就咁試飲腰果露之後再加腰果碎，我就覺得就咁飲腰果露，同埋加埋腰果水都非常好食😋🙄😋老公叫咗栗子西米露，口感相對稀，唔係濃稠嘅口感，所以我就一般般，但老公着重個味道，就話都幾好食。店員好有禮貌又親切，環境又坐得舒服，腰果露又非常有驚喜，下次再嚟我就會試黑白配同埋芝麻花生麻糬！！！！

今日喺太子呢邊食完晚飯，想搵甜品/糖水食。見到呢間糖水店有我喜歡的新派糖水，就入去試試先。.我哋叫了2碗糖水share，分別是〈腰之戀〉及〈日本紅豆椰青紫米露〉，可選凍或熱，我哋呢2碗都叫了熱的。.雖然是熱糖水，但2碗都唔太甜，甜度好適中，食完好舒服又唔會口渴。.〈日本紅豆椰青紫米露〉 —微甜，唔會好「漏」，甜度非常適中。呢碗糖水好足料！每啖都食到好多紅豆、紫米，椰子亦好爽口唔硬，好味👍🏻.〈腰之戀〉，係腰果露配蛋白燉3.6牛乳，係好特別嘅配搭。呢碗糖水超級香！甜度一樣好適中，唔會太甜，腰果味道好濃好香，食到腰果粒，亦食到好滑嘅燉蛋。兩者好match好好食！呢碗糖水超好味！本人非常推介大家試試👍🏻.店舖細細，但幾光猛、座位之間唔會太迫，坐得舒適。另外亦要讚讚員工服務態度很好。.今次是很滿意的用餐體驗，會再過來幫襯試試其他糖水👍🏻

今日我帶朋友去辛老闆那裡試他的糖水。我們一共六人，卻一口氣叫了八碗糖水。每碗都是一份甜蜜的享受，再搭配兩碗湯圓一起分享。我平時最喜歡吃腐竹糖水，也留意到他們的芒果布甸。這次我特地選擇了桑寄生口味，既滋補又美味。還有，朋友還買了一些急凍湯包回家試吃。這次的糖水之旅實在太美好了，期待下次再來品嚐不同的口味。There were six of us, but we ended up ordering eight bowls of dessert at once. Each bowl was a sweet delight, paired with two bowls of tangyuan to share.This time, I specifically chose the mulberry flavor, which was both nourishing and delicious.Furthermore, my friends also bought some frozen soup pack to try at home. This sweet soup journey was

跑完步唔知點解心郁郁想食甜品。路過見到甜品店靚靚仔仔環境幾好咁，又見到有個甜品幾特別就坐低一試：黑糖花生麻糬配海鹽芝士奶蓋，$40整體味道配搭有啲微妙海鹽芝士奶蓋食到明顯嘅鹽味，同奶蓋融合得幾好，飲完仲有餘香，但質地偏稀薄，空氣感多咗啲，濃稠度可以再提升。黑糖花生麻糬麻糬外皮厚度約0.5厘米，比較厚身，口感煙韌有咬口，唔係糯米糍嗰種軟棉彈牙。我自己偏愛糯米糍口感，但如果你鍾意煙韌嘢，應該會鍾意！內餡類似花生醬，味道濃郁，仲有明顯嘅花生粒，香口得嚟帶啲咬感，不過花生醬味實在太搶，食多幾啖會覺得有啲膩。最頂嘅一粒杏仁有驚喜！焗過嘅杏仁香脆有誠意，粒杏仁係好好食嘅整體配搭分開嚟講，每樣嘢都唔錯，但綜合起嚟味道唔算特別和諧。花生醬味太重，搶晒其他味道嘅風頭，黑糖同芝士奶蓋嘅存在感變得好弱。性價比麻糬直徑約6-7cm，兩粒，大小同雪糕糯米糍差唔多。$40甜品算係合理，見仁見智環境裝修光猛靚靚仔仔，感覺都好乾淨整齊，而且就算坐滿都應該唔算太迫，約會後食吓甜品都可以考慮呢間（因為環境）。如果你鍾意厚身煙韌口感嘅麻糬，又係花生醬控，可以一試！但如果你追求味道平衡同和諧，就可能要諗諗～我個人口味就唔會再

朋友推薦我便到訪店舖地方不太打掃得很乾淨兩位店主都很親和我的外賣包括腰果露黑白芝麻糊蛋白燉3.6牛乳杏仁雪燕配蛋白燉3.6牛乳家中長者都大讚甜度適中香口幼滑真材實料牛乳味香而不膩我絕對同意這隱世糖水店值得支持。

係太子食完晚飯後求其係Openrice搵下有咩糖水舖是但撞去一間估唔到係少有的高質🥹香港其實好多糖水舖都唔好食呢間真心要為佢寫個好評支持下店舖新新正正地方不太但好乾淨坐得好舒適員工服務都好好黑白配，上面係芝麻糊下面係蛋白燉3.6牛乳，好有心思🥹腰果露超滑超濃超香！幸福滿滿流心芒果布甸，食完真心幸福😂店員仲要溫馨提示我哋先食原味再加花奶~仲有腐竹薏米白果糖水都好好食無諗過咁好食所以正係影咗一張相🥲要多多支持小店，真心大推!! 💯

🔸️幸の作🔸️辛之作手工糖水隱世糖水。雖然地方細細，坐得舒適，也睇得出用心經營，每處也好細緻，地方好清新乾淨。甜心甘露 (楊枝甘露) $52同一般糖水店有些不同，糊狀濃烈芒果味😋，西米大粒，口感好强，推介👍 黑白配 $40⚫️⚪️自家製芝麻糊配蛋白燉3.6牛乳兩層色賣相好吸引，自家製芝麻糊， 甜度啱啱好， 好香口好滑，配蛋白燉3.6牛乳， 北海道牛奶一向冇騷味，我至愛，用作蛋白燉出來的效果更加香滑香甜👍😋📍太子界限街12A號興隆大廈太子港鐵站D出口步行3-5分鐘

糖水名比較優雅🤩🤩🤩完全唔記得叫咩名，腰果露加360牛奶，原本想食熱，因為牛奶底要雪，咁就凍啦，不是冰凍的凍，和暖入口😋😋香滑無比，值得推介。另一個腐竹白果薏米…….好似用樹記的腐竹，香滑，不淡💪🏻💪🏻💪🏻有適當嘅味道，真係值得推介。一定會返嚟再食。🥳🥳