Point Pie (已結業)

其實本身我都好少上網,但一年得一次既女朋友生日 又唔知去邊到食好 !所以經朋友介紹之下,上左開飯呢個網搵餐廳,最後搵到呢間位於跑馬地,比較環境寧靜既餐廳 先黎介紹下食左D咩先 :頭盤 食左幾款蠔 ! 有美國 澳洲 法國 !幾款都唔錯 ~ 不過法國蠔海水味比較重 , 我就食唔慣 之後就經店員介紹之下 , 叫左一隻法國睡蟹 !都幾大隻,同埋好多蟹黃 ! 我覺得仲好食過大閘蟹啦 !主菜方面:我就叫左個日本豬,店員話呢隻豬好特別,自細就係食蕃薯同埋飲綠茶大既 !茶香味我就食到少少,但蕃薯味就食唔到啦 哈哈 ! 不過都幾好食 !女朋友就叫左個BB羊 !肉質幾嫩 ~ 同埋唔"穌" ! 不錯 ! 生日當然唔少得生日蛋糕啦 !見之前D食評介紹果個朱古力三角形,好好食 ! 所以我都揀左呢個 ! 果然真係好好食 !最後係到要多謝店員 KELVIN , 幫我係個CAKE到寫上我女朋友個名同埋其他字,仲要有埋生日歌播,雖然全間餐廳D人都望住,by the way 個氣氛都係唔錯的 !