影片
更多
2021-03-24
408 浏览
2021年3月15日 星期一今日為左補祝白色情人節，於是預先係尖沙咀book左呢一間餐廳，打算俾老婆一個驚喜話說呢間餐廳都幾難book，可能新開張而且位置唔算太多嘅關係，要預約都要等兩個星期後先有位，所以原本我想book星期日正日都full左，好彩再後一日就仲有位我哋大約七點左右去到，已經見到裏面差唔多坐滿人，好彩員工嘅人數都好多，大約一位師傅serve一至兩枱客人，仲見到餐廳設有VIP房添餐牌當然係omakase啦，分別有三款唔同嘅價錢，包含咗唔同數量嘅刺身同壽司，我哋就要咗中間嗰一款點完餐大約等咗幾分鐘前菜就到，分別係松葉蟹肉、炸香魚同紅菜頭絲，擺盤好精美，店員建議我哋由左至右咁食，我諗應該係因為味道濃淡嘅關係蟹肉食落去好方便，完全唔需要拆殼咁麻煩，食落去好鮮甜，之後再食香脆既炸香魚，真係咬落去脆卜卜，有少少鹹味再食埋右邊嘅紅菜頭絲，既可以解咗炸香魚嘅油膩感，帶出嘅酸味令到我好似越食越開胃咁之後師傅就拎左兩個杯仔出嚟，放咗幾條生嘅魚喺裏面，再放上醋，魚仔係個杯裡面不停游，原本以為要等佢地死咗先可以飲，點知師傅話要活生生飲先有效果，咁大個人真係從來未試過，但係點都要試一次，飲落去真係
今日為左補祝白色情人節，於是預先係尖沙咀book左呢一間餐廳，打算俾老婆一個驚喜
話說呢間餐廳都幾難book，可能新開張而且位置唔算太多嘅關係，要預約都要等兩個星期後先有位，所以原本我想book星期日正日都full左，好彩再後一日就仲有位
我哋大約七點左右去到，已經見到裏面差唔多坐滿人，好彩員工嘅人數都好多，大約一位師傅serve一至兩枱客人，仲見到餐廳設有VIP房添
餐牌當然係omakase啦，分別有三款唔同嘅價錢，包含咗唔同數量嘅刺身同壽司，我哋就要咗中間嗰一款
點完餐大約等咗幾分鐘前菜就到，分別係松葉蟹肉、炸香魚同紅菜頭絲，擺盤好精美，店員建議我哋由左至右咁食，我諗應該係因為味道濃淡嘅關係
蟹肉食落去好方便，完全唔需要拆殼咁麻煩，食落去好鮮甜，之後再食香脆既炸香魚，真係咬落去脆卜卜，有少少鹹味
再食埋右邊嘅紅菜頭絲，既可以解咗炸香魚嘅油膩感，帶出嘅酸味令到我好似越食越開胃咁
之後師傅就拎左兩個杯仔出嚟，放咗幾條生嘅魚喺裏面，再放上醋，魚仔係個杯裡面不停游，原本以為要等佢地死咗先可以飲，點知師傅話要活生生飲先有效果，咁大個人真係從來未試過，但係點都要試一次，飲落去真係感覺到魚仔係口裏面不停彈吓彈吓，感覺真係形容唔到，至於味道係唔錯嘅，事後問返師傅原來呢一款魚叫白素魚，一年只有呢一個月份先會當造，所以好罕有，係好難得嘅體驗
跟住刺身陸續出場，呢一個係蜜柑鯛，師傅話因為養魚嘅魚糧有蜜柑皮，所以食落去嘅魚肉都會有蜜柑嘅味道，而右邊嘅鹽板上面灑上左青檸汁，首先冇點任何調味淨係食魚肉真係隱約感覺到有蜜柑嘅甜味，之後魚肉放上去鹽板上面再食，鮮味更加突出
呢個係長崎縣生蠔配啫喱醋同柚子皮，冇諗過蠔上面嘅啫喱竟然係醋嚟，一齊食落去既時候啫喱慢慢溶化，味道同生蠔出奇地配合，加上柚子皮帶出既微酸，令我食落去嘅時候完全食唔到蠔腥味
再黎又係時令海鮮，富山灣螢光魷魚，師傅話呢一期既螢光魷魚最肥美，果然一咬落去嘅時候有好多膏，肉質好彈牙，係海洋既味道呀~~
之後6種壽司就慢慢登場，呢個係赤貝壽司，完全睇得出師傅熟練既刀功，食落口鮮甜彈牙，加埋醬汁更加惹味
呢個係已經飛左筋既大拖羅壽司，係最軟熟既部位，入口真係即刻融，成個口充滿吞拿魚味，魚油不停湧出嚟，好味指數爆燈！！
再黎係北海道馬糞海膽壽司，冇諗過份量會咁多，一啖食落去幸福嘅感覺已經表露無遺，海膽一啲都唔腥，反而有海水嘅鮮味，無得彈！！
仲有呢一個燒拖羅筋壽司，係頭先大拖羅飛走左嘅筋燒熟左，原本以為會好韌，點知食落去又係充滿魚油，仲好腍添，冇諗過咁樣煮完之後會咁好食，真係好有驚喜
最後仲有自家製抹茶奶凍，上面仲加咗粒黑豆添，奶凍好滑溜，充滿牛奶味，而且唔算太甜，作為甜品真係一流
性價比好高，同之前食過嘅omakase好唔同，有特別既體驗同驚喜，師傅嘅態度都好友善
张贴
