星馬殿 (已結業)

有日放工後，我同朋友2人走到金鐘，意外地發現一間新開食店叫「星馬殿」，好奇下走入去試一試。 原來呢間食店主要係食新加坡菜，主打係喇沙同海南雞等....我地入到去, 發覺環境清靜舒服,好適合靜靜地傾計。職員好有禮貌，好細心同我地詳細講解menu上的野...唔錯唔錯.. 我地一共試左幾樣野: 星馬喇沙 : 食落口都幾惹味, 又唔太辣!!!! 招牌金箔海南雞飯: D海南雞真係好滑呀!!!皮薄涵靚,正呀!以幾十蚊價錢就食到金箔, 呢個真係推介!!! 豬頸肉 : 好好味,推介! 香芋+香芧慕絲: 師父推介呢個甜品俾我地。食落口真係好香滑....我特別鍾意個香芧mousse, 入口好清香,又唔太甜...仲有一陣陣香芧的清香味..正!.出面食唔到呢種mousse,推介! 馬來西亞拉茶 : 飲落去好似台灣的珍珠奶茶咁..好味! 馬來西亞咖啡 : 呢個我都幾鍾意,飲落幾香滑。推介! 正期待下次，我會試埋佢其他特色小食...