福岡漢堡扒

营业中

休息中

大鄉里未行過V walk, 同另一半去拜訪一下，我地大概兩點左右來到餐廳食個lunch，呢個時間可能無乜人，不用排隊，職員仲非常好，見我地拎住一袋二袋，所以安排四人座位俾我地。芝士蛋韓牛漢堡扒套餐（大）- 來到呢度當然要叫個漢堡扒啦！套餐會有沙律菜、麵豉湯、白飯，職員見到我哋好似唔知從何入手，主動埋黎問我地之前試過未，之後十分詳細同我地講可以點煎漢堡扒，三秒就要反一反，仲提我地圓鐵板十分熱，十分貼心。估唔到漢堡扒肉汁鮮嫩，我哋仲意將芝士煎得微微香口，十分好食，連平時好少食漢堡扒嘅我，都停唔到口😋。東武里牛丼飯（套餐） - 至於牛丼飯就較普通，雖然牛肉份量沒想像的多，幸好肉質尚可，一點也不靭，不過不失。