賓墟冰室

营业中

休息中

呢排成日過嚟青衣搵嘢食，不過就多數嚟食晚飯，咁啱今日一早過來，本來想去長發嗰邊食茶餐廳。點知架巴士就停咗喺灝景灣落，但費事行返轉頭，就係呢度食。唔多人但炸野味幾重。其實好想試佢個沙嗲牛，但雞扒同嗲牛一樣價，又費事問佢可唔可以加錢加一樣野，咁都係揀雞扒。先試下塊多士，有甜味真係好少有，突然想起以前會牛油多士口沙糖食，就得嗰種feel。個米粉又大碗、湯底又有味，同埋食落去唔係嗰d「新式」米粉，好食好多。雞扒雖然塊皮唔脆，但係塊雞扒好熱又大塊又厚真係好鬼滿足。－早開左個靚頭，心情都特別開心！