A.T.A.S

营业中

休息中

前幾日同朋友去銅鑼灣行街，經過見到有間新加坡菜幾吸引，於是我地就決定去試下。叻沙 $98叻沙有得揀唔同嘅麵款，我哋揀咗米線。叻沙湯底十分香濃，辣味十足。裡面有蝦、豆卜、魚片同蛋。蝦仁同魚片頭都十分爽口彈牙！炸魚片米粉 $98同叻沙相比，雖然炸魚片米粉比較清淡，但我覺得依款好味啲。裡面有番茄、菜、魚片同埋紫菜。即使魚片浸咗落湯，但都食到魚皮酥脆嘅部分。依個湯亦都好香好新鮮！囉喏 $78依款小食十分特別，係我從來冇試過嘅味道。裡面有炸豆卜、青蘋果、青瓜、沙葛等。唔同嘅食材撈埋囉喏醬，有種甜甜地但又好清新嘅味道，十分開胃，好適合做前菜！