La Casa Bistro (已結業)

今日黎到中上環區搵食, 入左去呢間食意大利餐嘅小店, 雖然座位唔多, 但店內環境勝在簡單得黎又有少少情調｡ 連 D 餐具都好特別, 非常幼長｡晚餐時段冇套餐選擇, 只可以喺 A La Carte Menu 上 Order (以下 Menu 圖片於餐廳網頁中轉載), 整體食物價錢亦都唔貴｡芝士球配香草醬及牛油 原本以為係好普通嘅芝士波, 但原來係內有乾坤, 外層係用意大利飯包住內層嘅芝士, 口感非常特別, 外脆內軟, 配埋特製嘅香草醬一齊食好夾｡香蒜白酒汁煮大蜆配多士 大蜆煮到啱啱好, 好嫩滑好多汁, 個香蒜白酒汁味道亦都唔錯, 用 D 多士沾黎食真係 Ichiban 意大利肉丸野菌車厘茄濶條麵配料有肉丸、野菌、蕃蓉 & 芝士碎, 肉丸仍然保持到微微彈牙嘅口感, 食落去嘅味道有 D 似漢堡肉  原本係配意大利粉, 但我揀左改配濶條麵｡ 雖然呢款算係蕃茄醬類嘅 Pasta, 但佢嘅濶條麵有用 Pesto 醬煮過, 所以食落去嘅味道唔會好單一, 而且佢呢款濶條麵麵質比較煙韌, 唔會煮好淋身｡煙三文魚意大利青瓜及香草忌廉濶條麵配料有煙三文魚碎、香草、青瓜粒 & 魚籽, 碟上鋪滿忌廉汁, 令濶條