冬暖夏涼 濃雞湯車仔麵館 (已結業)

果日同老婆去旺角買完野，見時間尚早就行入大角嘴搵食。點知好多鋪頭都未開，但見到呢間個名非常長既車仔麵，又冬暖夏涼咁，就決定入去試下。因為我到而家都硬係會將佢同另一間打邊爐既野有聯想。入到去，位置唔多，但都有老式麵檔既格局：木桌﹑木椅。老闆同老闆娘非常好人健談，一入去就來問我地食乜，仲主動介紹唔同野同埋野飲！通常入車仔麵檔既感覺就係要平同快，是旦食得飽就得，但呢次入去有咁好既 service experience 真係值得加分。我地兩個人，叫左個冷麵同一個熱麵，乜都試到。冷食係我至愛，叫左蒜香鼓油汁配橋麥麵。送就叫左 胡麻雞絲﹑香醋木耳﹑沙茶蜂巢豆腐。其實同佢個 C 餐差唔多… 由於我唔食牛肚，所以都係選擇左散叫。味道超一流，冷麵處理亦都一流，非常彈牙唔會太硬。個麵汁，老細話如果唔夠可以叫佢加。熱食方面，我地就揀左清湯腩﹑瑞士雞翼同埋柱候豆卜。瑤柱同豆卜係分開上的，但自行將瑤柱包入豆卜一齊食，真係一流！非常好食又夠入味。出街食豆卜最怕油益味，呢到食居然無，處理得非常好。順帶一提，店內既豆漿係佢地自己磨的，而蜂蜜蘆薈清潤飲都係佢地自己買料返來煲的，所以飲起黎除左清甜之外，仲有一份親切感。絕