影片
更多
2010-08-19
37 浏览
友人生日, 打算找一家特別d的餐廳食下飯傾下計, 在機綠巧合下找到"兄弟私房菜", 本住食評又咁多, 又幾特別, 價錢又唔算貴, 好~就訂呢間 !食物質素係後話, 淨係講個"before service"我都非常的滿意, 我早了一星期訂枱, 老闆Lew 和 Sean好快就send個menu給我去睇, 由於友人唔食牛的, Lew 和Sean的menu都為呢類朋友提供另一d option, 我朋友當然就非常滿意啦~昨晚我就無影相, 食物的main course我同友人食左Panfried Seabass , Grilled Kuro Buta Pork, 非常好食, 條seabass塊皮好香好脆,肉質好鮮配上佢自製的薯蓉, 酸酦地好開胃, 而黑毛豬好juicy, 以前在agnes b食過仲以為食唔返添~而我更欣賞係在Appetizer 和soup的小環節都做得咁好, Appetizer 我們吃了Beef Carpaccio和 Foie Gras , 我自己食個牛, 超好食, 因為自己係喜歡食生生地又juicy的牛, 比阿蘇鬧我都要講個口感非常好 ; 而友人的鵝肝就煎到外脆內軟, 我自己其
食物質素係後話, 淨係講個"before service"我都非常的滿意, 我早了一星期訂枱, 老闆Lew 和 Sean好快就send個menu給我去睇, 由於友人唔食牛的, Lew 和Sean的menu都為呢類朋友提供另一d option, 我朋友當然就非常滿意啦~
昨晚我就無影相, 食物的main course我同友人食左Panfried Seabass , Grilled Kuro Buta Pork, 非常好食, 條seabass塊皮好香好脆,肉質好鮮配上佢自製的薯蓉, 酸酦地好開胃, 而黑毛豬好juicy, 以前在agnes b食過仲以為食唔返添~
而我更欣賞係在Appetizer 和soup的小環節都做得咁好, Appetizer 我們吃了Beef Carpaccio和 Foie Gras , 我自己食個牛, 超好食, 因為自己係喜歡食生生地又juicy的牛, 比阿蘇鬧我都要講個口感非常好 ; 而友人的鵝肝就煎到外脆內軟, 我自己其實對鵝肝麻麻地, 因為陣騷味我唔太喜歡, 但昨晚果塊唔係騷, 係叫香, 真係入口即溶好滑 ; 而個龍蝦湯好香濃龍蝦味, 真材實料, 絕唔係出面d hea湯可以比較
昨晚我還帶了一支白酒去的, 佢地提供的酒杯唔係酒樓水杯, 而係德國名牌Spiegelau玻璃杯, 仲有分紅酒杯, 白酒杯, 連冰筒, decanter都有提供, 而佢無收我地開瓶費之餘仲唔收加一, 我埋單時都彈左句 "咁平!? "
咁好的食物同服務, 我都唔好意思唔去"覆桌"~
硬要我講一個唔滿意的地方就係地點唔易搵, 大廈地下的街號唔算清楚, 而地下也沒有指出樓上有間餐廳, 加上你知唐樓2/F即一樓, 上去時有小小疑惑, 按錯門鐘好尷尬嘛, 好彩都唔算太難搵
张贴